Мэдээлэл, технологийн үндэсний парк нь Монгол улсын мэдээллийн технологийг хөгжүүлэх, гарааны бизнес, энтрепренёршипийг дэмжих, мэдлэг ур чадвар бүхий хүний нөөцийг бэлтгэх чиглэлээр үйл ажиллагаа явуулдаг төрийн өмчит үйлдвэрийн газар юм.

Тус байгууллагын зүгээс "2010 оноос хойш “Нью Тур Сафарис” ХХК нь /Өргөө-2/ кино театрын зориулалтаар МТҮП-ын байрны хойд хэсгийн талбайг 1 мкв нь 5000-9000 төгрөгөөр түрээсэлж байжээ. Өнөөдрийн хүртэл өөрийн нэр дээр төрийн өмчийг дамжуулан түрээсэлж их хэмжээний ашиг олсоор байгаа юм. Гэрээнд заасан түрээслэх хугацаа нь дууссантай холбогдуулан бидний зүгээс Өргөө-2 кино театрыг гарган мэдээллийн технологийн салбарын үйл ажиллагаа явуулахаар ажиллаж байна" гэв.
Мэдээлэл, технологийн үндэсний паркийн захирал Ж.Золзаяа "Мэдээллийн технологийн хөгжилд саад болж буй Өргөө II кино театрын гэрээг ямар ч нөхцөлд сунгахгүй. Өнгөрсөн 10 жилд салбарын болон түрээсийн алдагдсан боломжоо тооцоход нийт ₮18,27 гаруй тэрбумд хүрч байна” гэлээ.

Иймд "Өргөө II кино театраас IT паркаа аваръя" хэмээх цахим гарын үсэг цуглуулах аяныг эхлүүлжээ.