Английн иргэн хатагтай Гулл тэртээ 1910-аад оны үед манай орноор аялж,нийгмийн байдал, хүн ардыг гэрэл зургийн хальснаа буулгаж, улмаар “Монголоор аялсан нь” номыг бүтээжээ. Энэхүү номонд дурдсанаар тухайн үеийн Монголын нийслэл Их-Хүрээ буюу одооныхоор Улаанбаатар хотыг Урга гэж нэрлэдэг байжээ.  “Урга” гэдгийг монголчууд төдийлөн мэддэггүй харин гадныхан л Их Хүрээг тэгж нэрлэдэг байсан билээ.


Хатагтай Гуллийн “Монголоор аялсан нь” номонд тухайн үеийн ард түмний зан чанар, ёс заншил, амьдралын хэв маяг зэрэг бүх зүйлийг маш тодорхой бичсэн байна.

Тэрбээр монголчуудыг энгийн номхон, аз жаргалтай, сайхан сэтгэлтэй боловч дээд зэргийн залхуу хүмүүс гэж тодорхойлжээ. Учир нь “200 гаруй жил манжуудад дарлагдаж байсан учраас гадаад ертөнцтэй өрсөлдөх сэтгэлгээ суугаагүй” гэжээ.

Та энэхүү номтой танилцахыг хүсвэл энд дарж үзнэ үү.

А.Цацрал