Ерөнхий сайдын суудлаас огцроод удаагүй байгаа Италийн улстөрч Сильвио Берлусконийн зохиосон дууны үгтэй цомог өнөөдрөөс эхлэн худалдаанд гарч эхэлжээ. Түүний зохиосон дууг хуучны найз дуучин Мариано Апичелла дуулсан байна.

“Жинхэнэ хайр” нэртэй сэтгэл зүрхний утсыг хөндсөн хайрын тухай энэ цомог 11 дуутай  юм байна. Тэд уран бүтээлийн  ажлаа  өмнө нь эхэлсэн байсан ч дууны шүлгийн зохиолч ажил ихтэй байсан тул тэд цомгийн ажлаа түр хугацаагаар зогсоосон байжээ.

Апичелла "Берлусконийн бүх дуу хайрын тухай. Тэр дуунуудаа миний хоолой, миний зохиосон хөгжимд зориулж зохиодог" хэмээн ярив. Тэдний цомгийн нэгэн шинэ дууны клип интернэтэд тавигдсан байна.

"Чамаас холдсон бас нэгэн өдөр. Чамгүйгээр өнгөрөөсөн бас нэгэн шөнө. Чамайг санасан бас нэгэн бороотой өдөр. Чамайг мартах гэж чадах бүхнээ хийж байна. Шаналсан сэтгэлийнхээ тухай салхинд ярина. Гэвч чамайг мартахыг хичээх тусам Гэнэн чиний дүр улам ихээр бодогдоно" хэмээн Берлусконийн зохиосон дууг Апичелла залуухан гурван бүсгүйгээр хүрээлүүлэн дуулах ажээ.

А.Цацрал