2015 оны нэгдүгээр сарын 19-ний өдрийн Засгийн газрын хуралдаанаар автобензин, дизелийн түлшний онцгой албан татварыг А-80 1 тонн нь 252.000 төгрөг, АИ-92 1 тонн нь 259.000 төгрөг, дизель түлш 1 тонн нь 265.000 төгрөгт хүргэн тогтоосон.

Уг татварын орлогоор жилд ойролцоогоор 220 орчим тэрбум төгрөгийн татварын орлого улсын төсөвт төвлөрүүлэх юм байна. 

Жижиглэнгээр худалдаалах шатахууны үнэ хоёр жил гаруйн хугацаанд тогтвортой байсан. 

Цаашид ч тогтвортой байх төлөвтэй гэдгийг Уул уурхайн яамнаас мэдэгдлээ.

Нэгдүгээр сарын 27-ны байдлаар улсын хэмжээнд дунджаар ердийн хэрэглээний 45 хоногийн газрын тосны бүтээгдэхүүний нөөцтэй байгаа.

Үүнээс А-80 автобензин 65, Аи-92 автобензин 53, дизелийн түлш 46, ТС-1 буюу онгоцны түлш 15 хоногийн нөөцтэй байна.