Герман эмчилгээний арга барилыг Монголдоо нэвтрүүлэгч “Хатагтай-ДЕНТ” шүдний эмнэлэг нь хиймэл шүд хийх цоо шинэ аргачлалыг анх удаа энэ салбартаа туршиж, хэрэгжүүлсэн билээ. Ингээд “Хатагтай-ДЕНТ” шүдний эмнэлгийн эмч Б.Оюунтуяатай ярилцлаа.

-Юуны өмнө танд энэ өдрийн мэнд хүргэе.
-За баярлалаа. Танд болон нийт уншигчиддаа ч бас энэ өдрийн мэнд хүргэе.

-Монголд шүдний эмнэлэг маш олноороо бий болж байна. Танай эмнэлгийн давуу тал юу вэ?
-Манайх байгуулагдсан цагаасаа эхлэж чанараараа дэлхийд танигдсан “ҮOCO”-гийн шүдний материалыг Герман улсаас импортлон, хэрэглэж Монголын ард түмнийхээ эрүүл мэндэд маш үнэтэй хөрөнгө оруулалт хийж байгаа. Үүнд гэрлээр хатуурдаг хуванцар \Arabesk, Polofil\, шаазангийн найрлагатай гэрлээр хатуурдаг хуванцар \Arabesk Top\, гоо сайхны зориулалт бүхий хуванцар \Amaris\, цоорлоос 99% хамгаалдаг шүдний ховилд тавидаг хуванцар \Fissurit\гэх мэт маш олон төрлийн материал хэрэглэж байна. Эдгээр материал маань наалдамхай чанар ихтэй тул ломбоны тогтоц маш сайн байхаас гадна өнгөний зохицол сайн гарч гоо сайхныг бүрэн хангадаг. Mанайх ломбондоо  6 сарын баталгаа өгдөг.

-Шүдний арчилгааг ер нь яаж хийвэл зүгээр вэ? Ялангуяа хүүхдийн шүдийг?
-Ер нь бол хүүхэд, насанд хүрэгчид адилхан 6 сар тутам шүдний эмчид үзүүлж цэвэрлүүлж, өөрөө шүдээ маш сайн, зөв угаах хэрэгтэй. Эхийн сүү нь чихэрлэг агууламж ихтэй учир хүүхдийн шүд амархан цооролд өртдөг. Хүүхдийг шүд цухуйсан цагаас эхлэн хоёр нас хүртэл ээж нь зориулалтын хуруувч, эсвэл хуруундаа самбай ороож цэвэр усаар угаах хэрэгтэй. Хоёр наснаас эхлэн фторын агууламж багатай оог тухайн хүүхдийн амны хөндийд таарсан сойзны хамт хэрэглэх бөгөөд 5 наснаас эхлэн насанд хүрэгчдийн оогоор угаах хэрэгтэй.

Манайх хүүхдэд хар түрхлэг энэ тэр огт хэрэглэдэггүй. Дэлхий нийтээр энэ нь мөнгөний хольц агуулсан тул хортой гэж үзэж байгаа. Иймд  манай эмнэлэг хүүхдийн шүд эрүүл бол цоорлоос урьдчилан сэргийлэх ломбо, цоорсон бол байнгын ломбо тавьдаг. Хэрвээ өвдөж зовиурласан бол насанд нь тохирсон эмчилгээг хийдэг. Мөн хүүхдийн сонирхолд нь тааруулан янз бүрийн өнгийн ломбо тавьдаг.

-Шүд маш их өвдсөн үед мэдрэл таслах эмчилгээ хийдэг гэсэн. Энэ ямар учиртай вэ?
-Шүд гэдэг маань бидний нүдэнд харагдаж байгаа хүний биеийн хамгийн  хатуу эд болох паалан, тугалмайгаас гадна их хэмжээний  бичил судас мэдрэлийн багцийг агуулж байдаг эмзэг эрхтэн юм. Шүд цоорох өвчинг цаг тухайд нь эмчлүүлээгүйн улмаас маш олон хүндрэл гардагийн нэг нь энэ судас мэдрэлийн багцийн үрэвсэл юм. Энэ үед зайлшгүй сувгийн эмчилгээг хийлгэх хэрэгтэй. Манайх үйлчлүүлэгчийн цаг хугацааг хэмнэх үүднээс хоёр удаагийн ирэлтээр эмчилдэг. Эхний удаа мэдрэл таслан Герман улсын үрэвслийн эсрэг, өвдөлт намдаах үйлдэлтэй эм хийж  явуулаад 14 хоногийн дараа ломбоддог. Эмчилгээний үр дүн ч маш сайн байдаг.  

-Ихэнх хэсэг нь байхгүй болсон шүдийг сэргээж болох уу?
-Ийм тохиолдолд манайх эмнэлэг дээрээ тухайн шүдний рентген зургийг авч хянаад ямар нэг өөрчлөлтгүй бол Герман улсын сувагт хэрэглэдэг эмчилгээний бас нэгэн шинэ шийдэл болох  шилэн гол гэж зүйл суулган уг шүдийг сэргээдэг. Шилэн гол нь маш нарийн утсыг сүлжиж хийсэн учраас бат бөх, сувагт суулгадаг металл гол шиг шүдийг хөхөлбөр өнгөтэй болгодоггүй зэрэг олон давуу талтай.

-Өнгө гэснээс шарласан шүдийг хэрхэн цайруулах вэ?
-Шүдний шарлалт гадаад ба дотоод олон хүчин зүйлийн нөлөөгөөр үүсдэг. Жишээ нь тамхи, кофе их хэрэглэдэг хүнд өнгөр тогтож шарладаг. Үүнийг манайх зориулалтын өнгөлгөө хийж цайруулдаг. Харин  нэгэнт үүссэн төрөлхийн шарлалтийг паалан тавьж цайруулна.

-Шүдний завсар зайг танайд их сайн нөхдөг гэсэн энэ талаар?
-Тиймээ. Ер нь тухайн зайны хэмжээнээс хамааран нэг юмуу хоёр шүдний гадаргийг бага зэрэг барзгар болгоод шүдний өнгөтэй ижил материал тавьдаг. Ингэснээр гоо сайхныг хангаад зогсохгүй, ярих үед шүлс үсрэхээ болих, хэл ярианд авиа тод дуудагдах зэрэг ач холбогдолтой байдаг.

-Ер нь танай эмнэлгийн үнэ ханш хэр боломжийн бэ?
-Мэдээж хаа байсан Германаас бүх материалаа импортлодог болохоор өндөр өртөг гардаг. Гэхдээ тэглээ гээд манайх тэнгэрт тулсан төлбөр тогтоогоогүй. Боломжийн төлбөртэй. Хамгийн гол нь дэлхийн чанарыг Монголдоо хүргэж байгаа нь л гол л доо.

-Ярилцсанд баярлалаа.

“Хатагтай-ДЕНТ” эмнэлгийн хаяг: 11-р хороолол, Дашчойлон хийдийн зүүн талд

Утас: 354171, 99091796

www.dent.mn