Их Британид Чилийн дарс борлуулдаг нэгэн фирм яагаад ч юм эмэгтэйчүүдийг нууц хадгалахдаа хэр сайн юм бэ гэдгийг мэдэхийг хүсчээ. Тэгээд иймэрхүү судалгаа хийлгэхээр захиалсан байна. Эрдэмтэд энэ судалгааг явуулахдаа 18-65 насны 3000 гаруй эмэгтэйг хамруулжээ.

Судалгааны дүнд асуулганд оролцсон 10 эмэгтэйгийн дөрөв нь аливаа нууцыг мэдсэн даруйдаа л шууд зарладаг гэнэ. Мэдээж найз бүсгүй, залуу, нөхөр, ээж гээд л ойр дотны хүмүүстээ ярьдаг. Харин архи уусан үедээ бол огт танихгүй хүнтэй ч нууцаа хуваалцдаг аж.

Бусад нь арай ил үү тэвчдэг. Гэхдээ л 47 цаг 15 минутаас илүүгүй. Тэгээд л чалчаад эхэлдэг. Заримдаа бүх нууцаа задлахгүй л дээ, зөвхөн зарим хэсгийг нь. Эмэгтэйчүүдийн өөр онцлог нь тэд гурав дахь этгээдэд хамааралтай нууцыг дуртайяа задалдаг. Жишээ нь “хүлээн авагч"-ийн сайн танихгүй хүний хувийн нууц. Энэ бүгдийн тайлбар нь "ийм хүнд ачааг дотроо нуугаад явж чаддаггүй"-тэй холбоотой. Хамгийн наад захын жишээ гэхэд л "Манай ажлын нэг эмэгтэй байдаг юм. Тэр ерөнхий нягтлантай унтдаг". Нэг иймэрхүү л зүйл байдаг.

Судалгаанд оролцогчдын гуравны хоёр нь ийнхүү бусдын нууцыг задалсандаа гэмшдэг гэнэ. Үлдсэн нь үүнээс таашаал авдаг. Эсвэл юу ч мэдэрдэггүй. Гуравны нэг нь ярьсан зүйлээ тэр дороо л мартдаг гэнэ. Мөн энэхүү судалгаагаар эмэгтэй хүн бүр долоо хоногт дор хаяж гурван удаа бусдын нууцыг мэддэг болохыг тогтоожээ. Тэгээд түүнийгээ дор хаяж нэг хүнд тараадаг гэнэ.