Ливийн удирдагч агсан Муаммар Каддафийн сүүлчийн түшиц газар байсан Сирте хотоос 267 хүний цогцос олдсоныг “Fox News” мэдээлэв.

Нас барагсдын олонхи нь М.Каддафийн дэмжигч байсан бөгөөд тэднийг цаазалсан гэж “Fox News” Улаан Загалмай нийгэмлэгээс эш татан мэдээлжээ. Ливийн үндэсний шилжилтийн зөвлөл тэдний үхлийн шалтгааныг мөрдөн шалгаж, буруутнуудыг олж тогтоохоо амласан байна.

Ливийг 42 жил удирдсан М.Каддафи нь өнгөрөгч долоо хоногт Үндэсний шилжилтийн зөвлөлийн дайчдад баригдан амь үрэгдсэн. Түүнийг хамт амь үрэгдсэн Мутаззим хэмээх хүүтэй нь Ливийн элсэн цөлд нууцлаг байдлаар оршуулснаас нэг өдрийн дараа тэдний тойрон хүрээлэгчдийн эл булш олджээ.