Олон улсын ахмадын өдрийг угтан Нийслэлийн Авто замын газрынхан уламжлал ёсоор өндөр настнуудаа хүлээн авч хүндэтгэл үзүүллээ.

Гавьяаны амралтаа эдэлж буй ахмад инженерүүд энэ жилийн зам барилгын ажил сайн явагдаж байгааг онцолсон. Нийслэлийн иргэдийн ая тухтай зорчих нөхцлийг бүрдүүлэх замын ажил бол их бүтээн байгуулалтын ажлууд дотроос хамгийн чухал нь гээд, зассан замаа арчлах асуудалд холбогдох байгууллагууд анхаарал тавих хэрэгтэй хэмээн зөвлөсөн юм.

Ахмадын хороо байгуулах асуудлаар мөн ярилцаж, залуу инженерүүдтэй тогтмол уулзалт хийн зөвлөгөө өгч байх саналыг ахмадууд гаргалаа.

Б.Хэрлэн