Journal of Internal Medicine сэт­гүүлд 240 мянган эрэгтэй, 180 мянган эмэгтэйд хийсэн судалгааны тайланг нийтэлжээ. Туршилтад оролцогсод өдөр бүр хоолондоо тодорхой хэмжээний загас хэрэглэж байв. Хэмжилтээс үзэхэд загас иддэг эрэгтэйчүүдийн дунд зүрх судасны өвчлөл 10 хувь, элэгний өвчлөл 37 хувь доогуур гарсан байна.

Судлаачдын дүгнэснээр загасаар хооллодог эмэгтэйчүүдийн Альцхеймерын өвчнөөр өвчлөх магадлал 38 хувь доогуур байдаг аж. Түүнчлэн загасан хоол зүрх судас ба амьсгалын замын хурц өвчнөөр нас барах эрсдэлийг бууруулдаг байна. Эрдэмтэд судалгааны явцдаа загасыг шарах үед ашигтай шинж чанаруу­дынхаа ихэнхийг алддаг болохыг тогтоов. Загасны гол агуулга Омега-­3 хэмээх ханаагүй тосыг загаснаас гадна маалингын үр, бууцай болон төмснөөс авч болдог.