Монгол түмэн эртнээс тооны билэгдлийг аж амьдралдаа тусган дэлхий ертөнцтэй зохицон амьдарч ирсэн баялаг уламжлалтай. Хүн төрөлхтний дотор хамгийн олон оронтой тоог тухай бүрчлэн нэрлэж чаддаг /Их сэтгэшгүй=10-ийн 68 зэрэгт/ бидний өвөг дээдсийн хувьд тоо бүхэн утга агуулга, өөрийн билэгдэлтэй байдаг.

Үүнээс зарим нэгийг дурдвал Наймын тоо нь жаргал цэнгэл, өв тэгш амьдрал ахуйг, мөн аливаа зүйлийн бүрэн хүч чадлыг билэгддэг гэж үздэг байна. Жаргалын найман морь, Монголын нууц товчоонд гардаг Чингис хааны найман шарга агт зэрэг нь ийм утгатай. Мөн Наймын тоо нь хязгааргүй ертөнцийн орон зайн төсөөлөл буюу найман зовхисыг илэрхийлдэг тул урт удаан нас, үүрд мөнхийн билэгдэл болдог ажээ.

Тэгвэл Есийн тоог Монголчууд есөн нүхт цацал, Чингис хааны есөн өрлөг, Есөн хөлт цагаан сүлд, Есөн цагааны бэлэг, Есөн эрдэнэ, Монгол сургааль туульд Эр хүний есөн эрдэм, Түшмэл хүний есөн эрдэм гэх мэтээр эрхэмлэсэн байдаг. Эдгээрээс үзвэл энэ тоо нь оюун ухааны хүч, цэцэн мэргэн оюун бодол, идээ ундааны охь шим, эд баялгийн эрхэм дээдийг билэгддэг байх нь.

Ийм билэгдэл төгс тоонуудаар эхэлсэн 89хххххх шинэ дугааруудаа Юнител групп худалдаанд гаргаад байгааг танд дуулгая. Үүнд СОНГОДОГ үйлчилгээний 8900хххх, DOPIN үйлчилгээний 8999хххх, iD,Happy life үйлчилгээний 8912хххх-8919хххх гэсэн дугаарлалтууд үйлчилгээнд нэвтрээд байна.