Олны сонирхлыг хэдийнэ татаж эхэлсэн “Учиртай гурав” уран сайхны кино ирэх аравдугаар сард нээлтээ хийх гэж байгаа билээ. Үзэгчдийн тэсэн ядан хүлээж байгаа тус киноны эхний дуу болох “Хагацаж чадах уу?” олны хүртээл болоод байна. Дууны аяыг дуучин Д.Болд зохиож, шүлгийг Ө.Пүрэвсүрэн бичсэн бол дууг Д.Болд, “Гурван охин” хамтлагийн Д.Солонготой хамтран дуулжээ.

“Хагацаж чадах уу?” дууны клипийг “V” студи хийж байгаа гэнэ. Ингээд “Учиртай гурав” киноны дууны шүлгийг та бүхэндээ хүргэж байна. Хэрвээ та дууг сонсохыг хүсвэл энд дарна уу.

Ая: Д.Болд
Шүлэг: Ө.Пүрэвсүрэн

Хагацаж чадах уу

Эцсийн удаа гэж хэлж чадах уу
Эргэж харалгүйгээр алхаж одох уу
Үнсээд намайг үдэж чадах уу
Хагацья даа гэж хэлж зүрхлэх үү (Наддаа хэлээч)

Зүгээр л намайг мартаж чадах уу
Зүрхээ гээгээд орчлонг туулах уу
Чилийсэн урт он жилүүд
Чи биднийг өмнөөс тосно

Хагацья даа гэж хэлж зүрхлэх үү (Зүрхлэх үү)
Хайр дурлалгүй хорвоог төсөөлөх үү
Хагацлын сүүдэр дайрч гэмээнэ
Хар дарсан шөнүүд эхэлнэ

Дахилт:

Чадахгүй хайрт минь
Үгүйдээ хайрт минь үгүй
Чамгүйгээр би амьдрахыг хүсэхгүй
Үнэндээ би хагацахыг хүсэхгүй

Үнсээд намайг үдэж чадах уу (үдэж чадах уу)
Үйлээ дагаад уйлж үлдэх үү
Хайргүй нэгний өвөрт мэгших
Хатуу тавилан чамайг тосно

Эцсийн удаа гэж хэлж чадах уу (Хэзээ ч чадахгүй)
Эргэж харалгүйгээр алхаж одох уу
Хоосон хүйтэн харанхуй орчлон (Чамайг минь)
Хонгор минь чамайг жиндээх болно

Дахилт:

Чадахгүй хайрт минь
Үгүйдээ хайрт минь үгүй
Чамгүйгээр би амьдарахыг хүсэхгүй
Үнэндээ би хагацахыг хүсэхгүй

Хагацаж чадахгүй ээ (чадахгүй ээ)
Ингэж бүү надаас асуугаач
Хайраараа жигүүрлэн жаргахыг хүснэ
Ийм тавиланг би хэзээ ч хүсэхгүй

Хайрын үлгэр муухай төгсөхгүй
Хажуугаас чинь би хэзээч холдохгүй ээ

Дахилт:

Хайрын үлгэр муухай төгсөхгүй
Хажуугаас чинь би хэзээч холдохгүй ээ
Хагацаж чадахгүй чамаасаа би