Египетийн нийслэл Кайр хотод өнгөрсөн амралтын өдөр олон мянган иргэн засгийн газрын үйл ажиллагааг яаралтай тогтворжуулахыг шаардаж жагсчээ. Цагдаа нар иргэдийн жагсаалыг хүчээр тараахад 230 гаруй хүн шархадсан гэж тус улсын "МЕНА" агентлаг мэдээлэв.

Египетийн Эрүүл мэндийн яамны мэдээлснээр 39 хүнийг эмнэлэгт хүргэсэн байна. Олон мянган жагсагч Дотоод явдлын яамны гадаад өнгөрсөн бямба гаригт жагсаал зохион байгуулж, орон нутагт ардчилсан санал асуулга явуулахыг шаарджээ. Ням гаригт хэсэг жагсагч засгийн газрын байрны гадаа жагсаал зохион байгуулж, мод, чулуу шидэж байсан аж. Хууль сахиулагчид жагсаалыг тараахын тулд тэнгэр рүү хий буудаж, нулимс асгаруулагч хий ашиглажээ.

Энэ оны хоёрдугаар сард Ерөнхийлөгч Хосни Мубарак огцорсны дараа Цэргийн дээд зөвлөл иргэдийн дунд ардчилсан санал асуулга явуулж, улс орны удирдлагыг сонгоно хэмээх амлалт өгч байсан юм.

Гэвч өнөөг хүртэл санал асуулга явагдахгүй байгаад иргэд бухимдалтай хандаж, эрх баригчдыг өөрсдийнхөө эрх ашигт нийцсэн үйл ажиллагаа явуулж байна хэмээн үзэх болжээ.

Д.Түвшинтөр http://niigmiintoli.mn/