Ус бол дэлхий дээрх хам­гийн энгийн мөртлөө маш их анхаарал татаж байгаа бүрэн судлагдаагүй шингэн бодис юм. Гүнзгийрүүлэн судлах тутам түүний оньсого мэт нууцлаг шинжүүд улам сонир­хол татаж байна. Усны бусад төлөв болох мөс, уурыг ни­лээд сайн судалж талст бүт­цийг нь хүртэл тогтоосон ч усны бүтцийн талаар эрдэм­тэд өдийг хүртэл санал нь хуваагдсаар ажээ.

Сүүлийн жилүүдэд усны тайлагдаагүй чанаруудын заримыг нь түүний молеку­луу­дын устөрөгчийн холбоо­гоор тайлбарлаж байна. Усны молекулууд нанокластер хол­боо­той байдаг ба энэ сул холбоо нь халаахад маш амархан задарч хөрмөгцөө дахин үүсдэг.

Шинжлэх ухааны салбарт маргаантай байгаа нэгэн асуудал бол усыг соронз­жуу­лах тухай юм. Хамгийн гай­хал­тай нь усыг соронзжуулан амьдралд хэрэглэж амьд организмыг идэвхтэй тэтгэх чадвартайг батлаад байгаа боловч тулгуур шинжлэх ухааны ойлголтоор ийм зүйл огт байх ёсгүй гэж үзсээр байгаад оршино. Яагаад гэвэл ус соронзон орны нөлөөнд автагддаггүй / диамагнетик/ тул соронзон орон түүнд ямарч нөлөө үзүүлж чадахгүй байх ёстой юм. Гэтэл сорон­зон орны нөлөөгөөр усны чанар өөрчлөгддөг байна. Эрдэмтэд соронзжуулах тур­шилт хийх явцад соронзон оронтой зэрэгцээ торсион орон үүсч усны бүтцийг өөр­чилж байгааг нотолжээ.

Эндээс хоёр дүгнэлт хийж болно.
Нэгдүгээрт, хэрэв тогтмол соронзон орон усанд /диамаг­нетик / ямарч нөлөө үзүүлж чадахгүй байгаа бол соронзон оронтой зэрэгцэн үүсдэг торсион орон усны физик-химийн чанарыг тодор­хойл­дог протоны системийг туйлш­руулж, усны бүтцийг өөрчилж, биологийн үйлчлэх чанаруудыг сольдог байна. Энэ байдлаас харахад усыг "соронзжуулах" биш, усыг "торсионжуулах" буюу торсион туйлжилт хийх гэж хэлэх нь зөв бололтой. Торсион туйлжилт нь усны чанарыг үндсээр нь өөрчил­дөг. Гэхдээ энэ нь соронзон орны үйлчлэл усанд байгаа давс, химийн элементүүдэд нөлөөлөхгүй гэсэн үг биш юм.

Хоёрдугаарт, биологийн биетэд баруун буюу нар зөв эргэлттэй торсион орон эерэ­гээр, зүүн буюу нар буруу эргэлттэй торсион орон сөр­гөөр нөлөөлж байгааг тур­шилтын явцад баталжээ. Ийм учраас усанд тогтмол со­ронзны хойт туйл буюу зөв эргэлттэй торсион орон үйлч­лэхэд түүний биологийн идэвх­жилт нэмэгддэг. Харин тогтмол соронзны өмнөт туйл буюу буруу эргэлттэй торсион орон үйлчлэхэд усны биоло­гийн идэвхжилт буурдаг байна.

Орны нэгдсэн онолыг үн­дэс­лэгч оросын байгалийн шинжлэх ухааны сурвалж­лагч гишүүн Г.И.Шипов, олон улсын онолын ба тулгуур физикийн хүрээлэн, ОХУ-ын Байгалийн шинжлэх ухааны хүрээлэнгийн захирал, ака­демич А.Е.Акимов нар физик вакуум болон торсион орны талаарх олон бүтээлдээ нэг биш удаа зөвхөн нар зөв эргэлттэй торсион орон амьд биетэд эерэгээр, нар буруу эргэлттэй нь амьд биетэд сөргөөр нөлөөлдгийг дурьд­сан байдаг.

Хувьсах цахилгаан гүйд­лээс үүсэх соронзон орон тодорхой нэгэн нөхцөлд нар зөв эргэлттэй торсион орон үүсгэдэг бөгөөд үүгээр урсан гарсан усны бүтэц зөв болж амьд биетийг тэтгэх чад­вартай болдог.

Бидний аль эртнээс мэдэ­хийг хүсч байгаа " амьд", " үхсэн " гэж нэрлэгдсэн усны шинжлэх ухааны тайлбар энэ бололтой. Энэ бүхэнд үндэс­лэн "амьд" гэдэг нь нар зөв эргэлттэй тетраэдр бүтэцтэй, "үхсэн" гэдэг нь нар буруу эргэлттэй тетраэдр бүтэцтэй усыг хэлж болно.

"Амьд" ус нь шүлтлэг шинж агуулдаг тул эд эсийн өсөн үржих үйл явцыг тэтгэн идэвхжүүлдэг. "Үхсэн" ус нь нянг устгах чадвартай, хүчил­лэг шинжтэй байдаг тул эд эсийн төлжин хуваагдах үйл явцыг удаашруулан дарах үйлчилгээ үзүүлдэг байна. "Амьд ба үхсэн" ус нь өвөр­мөц амт, үнэргүйн дээр арь­санд ямарч цочроо өгдөггүй. Манай зарим номонд"амьд" усыг "сэргэмэл" ус, "үхсэн " усыг "мөхмөл" ус гэж нэр­лэдэг.

Байгальд цас, мөсний хайлмал усанд зөв, буруу тетраэдр бүтэцтэй молеку­лын тоо тогтмол усанд байд­гаас эрс их байдаг учраас амьтан, ургамал нь зөн бил­гээ­рээ хайлмал уснаас "амьд" ус хэрэглэж өөрсдийн­хөө амьдрах чадварыг нэ­мэг­дүүл­дэг ажээ. Харин бид­ний хэрэглэж байгаа "крант­ны" усанд ийм бүтэцтэй усны хэмжээ эрс багассан байна. Энэ ус нь онгон байгалийн заяасан сайн мэдээллүүдээ алдчихсан, төрөл бүрийн давтамжтай цахилгаан орон болон бусад олон хүчин зүй­лүүдийн нөлөөнд их хэмжээ­ний муу мэдээлэл хуримт­лагд­сан, шууд хэлэхэд хор болон хувирчээ.

"Амьд" ба" үхсэн" усны тухай анхны мэдээлэл эртний үлгэр туульсад: "амьд "усыг хэрэглэн амь орж, хүч тамир­тай, сэргэлэн цовоо болж залуужиж байгаагаар дүрс­лэг­дэн дамжуулж иржээ. Бид­ний өвөг дээдэс эрт балрын үеэс амьд усны эмчилгээний чанарыг танин мэдсэн тул цас, мөс хайлж юмуу оргиж байгаа булгийн хүйтэн усыг тогтсон ёс жаягийн дагуу эмчилгээний журмаар хэрэг­лэ­дэг байв. Усны эх, булаг, шандын ундрагын орчмын физик орчин ямар байгаагаас усны физик, химийн бүтэц өөр өөр байдаг байна. Хаш, өөхөн чулуу, жонш, мөнгөний нэгдлүүдтэй газраас ундрах цэвэр тунгалаг усыг хүний биед хамгийн сайнд тооцдог. Ийм усны найрлага шим ер­төн­цийг тэтгэх чадвартайн дээр бүтэц нь талст хэлбэр­тэй байдаг байна.

Уламжлалт эмчилгээнд "амьд ба үхсэн" усны эмчлэх чадварыг арга билигтэй хол­бож тайлбарладаг. Хүний эд эрхтэн бүрт тохирсон саар­маг /тэнцвэртэй/ орчин бай­даг. Энэ тэнцвэр алдагдан аль нэг нь давамгайлахад эд эрхтэн өвчилдөг. Өвчнийг эмчилнэ гэдэг нь тэр даран­гуйлж байгаа хүчиллэг юмуу шүлтлэг орчинг саармаг­жуулахыг хэлдэг байна.

Манай оронд 1990 оноос эрдэмтэн Шагж "амьд" ба "үхсэн" усыг төрөл бүрийн эмчилгээнд хэрэглэн үр дүн нь өндөр хувьтай гарч байгаа тухай мэдээлэл гарч байсан боловч тухайн цаг үед энэ усны шинжлэх ухааны үндэс­лэлийг зөв тайлбарлаж чадаа­гүй­гээс зогсонги бай­далд орсон юм.

Одоо энэ усыг дэлхийн олон оронд нанотехнологийн түвшинд судалж эмчилгээний чанарыг нь батлаад байгаа ба амьдралд өргөнөөр хэрэглэж үр дүнг нь хүртэж байна.

Гэрийн нөхцөлд "амьд" ба "үхсэн" усыг айл өрх өөрийн хэрэгцээндээ зориулан гар­гаж авах авсаархан төхөө­рөм­жүүд ч үйлдвэрлэгдэн худалдаанд гарчээ. Гадаадын хэвлэлүүдэд, ялангуяа олон нийтийн сонин сэтгүүлүүдэд амьд ба үхсэн ус, түүнийг гаргаж авах талаар мэдээлэл олноор гарч байгаагийн зарим нь ШУ-ны үндэслэл муутай байгааг бас анхаарах нь зүй­тэй юм. Гэрийн нөхцөлд амьд ба үхсэн ус гаргах төхөөрөмж нэн энгийн ч өөрсдөө яаран туршилт хийхгүй байхыг зөв­лөж байна. Мөн баталгаагүй, үйлдвэрийн бус аргаар хийгд­сэн энэ төрлийн төхөө­рөм­жийг гаднаас худалдан авч өөрийн оронд түгээхгүй бай­хыг уриалж байна. Яагаад гэвэл, гүйдэлд залгамагц зэвэрдэггүй ган болон бусад хайлшуудаар хийсэн ихэнх электрод ялтасууд анодын уусмалд уусч түүнд агуу­лагддаг никель, хром, ванади, молибдин мэтийн металлын ионууд ялгаран хэрэглэгчийн биед нэвчин орж хордуулах магадлалтай. Эдгээр ионууд хэрэглэгчийн ходоодыг шарх­луулж хэдхэн жилийн дараа хорт хавдартай болгоно. Элект­ро­дуудыг тэсвэртэй материалаар хийх хэрэгтэй. "Амьд ба үхсэн "ус гаргах үйл явцад бидний мэдрэмжид үл анзаарагдах, цахилгаан хи­мийн хэд хэдэн үйлдлүүд явагддаг. Хэрэв үйл явц зөв явагдвал гарсан бүтээгдэ­хүүн илүү эрчимтэй эмчлэх чадвартай болдог байна.

Элекролизын үргэлжлэх хугацааг удирдан шаард­лагатай концентрацитай / рН / усыг гарган авч болно. рН нь 5,5-аас бага байхад хүчиллэг буюу " Үхсэн ", 5,5-аас их байвал шүлтлэг буюу " Амьд " ус гэж нэрлэнэ.

"Үхсэн" усны / хүчиллэг / рН нь 2,5-5,5 нэгж байхад микробыг устгах өндөр чад­вар­тай, маш сайн ариутгагч болдог. Даарч хөрснөөс хүнд үүсдэг ханиад, хоолойн өв­чинг эдгээж даралт бууруулан тайвшруулахаас гадна нойр хулжих, шүд өвдөх, буйлнаас цус гарах, шүдний гадуур үүсдэг чулуужилтыг хайлуул­на. Мөн үений өвдөлтийг багас­гах, гэдэсний хямралыг хур­дан зогсооход хэрэглэнэ. Арьсны мөөгөнцөрт өвчнийг хэдхэн хоногт эмчилдэг. "Үхсэн" усны ариутгах чана­рыг сайжруулахын тулд элект­ролиз явуулахынхаа өмнө усанд бага зэрэг хоолны давс нэмдэг. "Үхсэн " усыг гэр ахуйдаа орон байр, хөрс шороо, сав суулга, гутал хувцас ариутгах, жимс ногоог угааж хадгалах хугацааг ур­тас­­гахад ашиглахаас гадна гэрийн тэжээвэр амьтан, мал, гахай, шувууны хоол боловс­руулах эрхтний үйл ажилла­гааг сайжруулахын тулд хэ­рэглэж болно. Эмнэлэгт багаж хэрэгслэлээс эхлэн сав суулга, байр орон, хувцас хунарыг ариутгах, халдвар­гүйжүүлэхэд хэрэглэдэг хи­мийн олон хорт бодисыг ор­луулж болдог. Мөн төрөл бүрийн шарх, идээ бээрт арьс­ны өвчнүүдийг эмчлэхэд хэрэглэхэд мэдэгдэхүйц үр дүн өгч байна.

Амьд усны / шүлтлэг / рН нь 8,0 - 10,5 нэгж байхад организмын эсийг нөхөн төл­жүүлж, цусны даралтыг бага зэрэг дээшлүүлэн, бодисын солилцоог сайжруулж бүх биеийн эд эрхтэнд эрчим хүч өгч сэргээж хөдөлгөөнд оруул­даг.

Энэ шүлтлэг ус нь хүний биеийн биологийн шүүлтүү­рийг маш сайн нэвчиж фер­ментлэх систем, эсийн төл­жилт, исэлдэн ангижрах үйл ажиллагааг тэтгэн өөх, тосны эсийн шүүлтүүрийн хэт исэл­дэлтийг / антиоксидант / зай­луулж, хоолны шингэцийг сайжруулж, эсийн солилцоог тогтворжуулж, биеийн эсэр­гүүц­лийг сайжруулдаг.

Ялангуяа ходоод, гэдэс­ний 12 нугалааны шарх, хол­голт, түлэнхий, яр шархыг гайхалтай сайн аниулдаг. Бас хоол боловсруулах, амьсга­лын замын эрхтэн, зүрх су­дасны өвчин зэрэг дотрын өвчнүүд, түрүү булчирхайн хоргүй хавдар, судасны ха­туу­рал, үений үрэвсэл, хүзүү­ний үеийн үрэвслийг эмчлэ­хэд их үр дүнтэй болох нь батлагдсан болно.

"Амьд" усыг амьдрал ахуйд хэрэглэхэд үр тарианы ургац, гэрийн цэцгийн цэцэг­лэлт, хүнсний ногооны урга­цыг нэмэгдүүлдэг, гурилан бүтээгдэхүүний исгэлтийг амьд усаар зуурч хийхэд илүү амтлаг болдог. Зөгийн тэжээлийн шүүсэнд нэмэлт болгон өгөхөд зөгий илүү идэвхжидэг, гэрийн тэжээвэр мал, амьтдад өгөхөд амьдрах чадвар сайжирч хээл хаялт багасдаг байна.

"Амьд ба үхсэн" усыг хавсарч хэрэглэн харшил, элэгний үрэвсэл, хайрст үлд, эмэгтэйчүүдийн өвчин / үт­рээ­ний үрэвсэл, умайн хүзүү­ний улайлт / зэрэг өвчнийг эмчилдэг. Мөн венийн судас өргөсөх, шамбрам, тэжээлийн дутагдлаас үүдэлтэй шарх гүнзгийрч идэгдэх, нурууны үений өрөвсөл, үений өвдөлт, үений өрөвсөл, архагшсан ханиад, шуухинаа зэрэг амьс­га­лын замын өвчин, шээс­ний сувгийн өрөвсөл, төрөл бү­рийн гэмтэл, хатиг, арьсны өвчин, хүзүү гоёдох, толгой болон шүдний өвчин зэрэгт хэрэглэ­хэд эмчилгээ­ний үр дүн өндөр байдаг.

"Амьд" ба "үхсэн усыг судалгааны үр дүнд бий бол­го­сон үйчилгээний зааврын дагуу тогтоосон хэмжээгээр хэрэглэх ёстой.

Дэлхийн олон орны эр­дэм­тэн усыг тал бүрээс нь шинжилж түүний нууцад ал­хам алхамаар нэвтэрсээр байна. Судалгааны явцад торсион орны нөлөөгөөр бий болдог усны нарийн бүтэц нь их хэмжээний мэдээллийг агуулах чадвартайг тогтоож, мэдээллийг зөвхөн хадгалаад зогсохгүй хүний бодол санаа, хэлсэн үг, бичсэн бичгийн утгыг хүртэл мэдэрч өөрийн бүтцээ өөрчлөн илэрхийлдэг хамгийн гайхамшигтай, сэт­гэл хөдлөм нээлтийг хийлээ. Усны мэдээлэл агуулах чад­вар их өндөр байдаг. Нилээд өндөр боловсролтой нэг хүний эерэг эрчим хүчийг хураахад нэг аяга усанд л багтдаг ажээ.

Японы судлаач доктор Масару Эмото маш хүчтэй электрон микроскопонд зур­гийн аппарат суулган хөлдөө­сөн усны талстын зургийг авч, усны бүтэц яаж өөрчлөг­дөж байгааг судлах арга ол­сон байна. Тэр хамтран зүт­гэгч­дийнхээ хамт дэлхийн өнцөг булан бүрээс авчирсан усны зургийг авч / The Messeges of Water / хэмээх номондоо оруулжээ.

Бидний амьдралын өдөр тутмын хэв маягийн буруу үйлдлээс гадна аливаа муу хараалын үг нь ямар ч хэл дээр байсан ялгаагүй усны бүтцэд хүчтэй сөрөг нөлөө үзүүлж түүний амьдралыг тэтгэх чадварыг багасгадаг байна.

Доктор Емото судал­гаа­ныхаа ажлын дүнд "Бүх материаллаг зүйл та бидний өөрсдийн тань ухамсрын хүрээнд оршин тогтнодог" гэсэн дүгнэлтийг хийжээ.Энэ эрдэмтэн бид жишээлбэл , уух ус, идэх хүнсээ сайн сайхан бүхнийг хүсэн тарни­даж, уур уцаар, хараал зүхэл­гүй хэрэглэж амьдралынхаа түвшинг дээшлүүлэх ёстой гэсэн өөдрөг үзэлтэй байдаг. Дээрх судалгаанаас үзэхэд ус нь яг л толь шиг бидний сэтгэлийн хөдлөлийг тэр чи­гээр нь илэрхийлж байна. Одоо бид өөрсдийгөө эмчилж, өөрийнхөө өлгий болсон дэл­хийгээ төгс өөрчилж чадах нотолгоотой боллоо.

Г.Сүхбаатар