Египетэд өнгөрсөн баасан гарагт Нил мөрний ойролцоох Асуан хотод их хэмжээний усархаг бороо орсны дараа хилэнц гудамж, байшингаар олноороо үзэгдэх болжээ. Улмаар хилэнцэт хорхойд 450 орчим хүн хатгуулж, гурван хүн амиа алдсан байна. 

Уул, цөлтэй ойролцоо оршдог алслагдсан тосгонуудын оршин суугчдад эрүүл мэндийн төвүүд хорны эсрэг нэмэлт тун хийсэн байна. Хилэнцэд хатгуулсан иргэдэд тусламж үзүүлэх зорилгоор нэмэлтээр эрүүл мэндийн ажилтнуудыг татан авч ажиллуулж байгаа аж. Түүнчлэн мод ихтэй газар амьдардаг оршин суугчдыг гэрээсээ гарахгүй байхыг анхааруулжээ.

Хилэнцэд хатгуулсан үед амьсгалахад бэрх болж, булчин агшиж өвддөг байна. Египет улс бүдүүн сүүлт хилэнцэт хорхойн эх нутаг бөгөөд хатгуулсан  хүнийг цагийн дотор үхэлд хүргэх аюултай ажээ. 

Эх сурвалж: ВВС