Өрхийн тэргүүн Филлип Вернер амьдралд тохиолдсон нандин мөчөө мөнхлөхөөр бие давхар гэргийнхээ хамт хосын зураг авуулахаар шийджээ. Гэтэл энэ нь энгийн зураг авалт биш хэзээ ч мартагдамгүй дурсамжийг үлдээсэн мөч болон хувирчээ.

Хосын зургийг гэрэл зурагчин Кристен Заффиро авчээ. Аманда Экштейн, Филлип Вернер нар морьдтойгоо хамт зургаа авахуулахаар болсон нь хөгжилтэй дурсамжийн эхлэл болсон байна.

Зурагчин Заффиро хосын зургийг дарах үеэрээ морьдоос инээмсэглэхийг хүсэхэд Бакшот нэртэй морь нь гайхмаар хөгжилтэй төрх гарган нүүр дүүрэн инээмсэглэжээ.

Заффиро “Намайг “Морьдоо инээмсэглээрэй” гэж хэлэхэд өөдөөс ийм төрх гаргана гэж хэн төсөөлөх вэ. Үнэхээр гэнэтийн хөгжилтэй мөч байсан. Энэ бол миний дарж байсан хосын зургуудын хамгийн мартагдахааргүй нь байлаа.

Би эдгээр зургийг олны анхааралд ийм их өртөнө гэж бодоогүй. Дотнын хүмүүстээ харуулж инээд бэлэглэх зорилгоор цахимд нийтэлсэн. Гэтэл санаанд оромгүй их хандалт авсан. Гэрэл зурагчин хүний хувьд энэ бол бүтээлээрээ хүмүүсийн сэтгэлийг хөдөлгөсөн амжилт байлаа” хэмээн ярьжээ.

Бакшот нэртэй морины хөгжилтэй зураг фэйсбүүкт 138 мянган лайк, 323 мянган шэйр, 30 мянган сэтгэгдэл авчээ. Хүмүүс “Гэрэл гэгээ цацруулсан үнэхээр хөгжилтэй мөч тохиожээ” зэргээр сайхан сэтгэгдэл бичиж, хосод сайн сайхныг хүссэн байна.