Хөдөлмөр, нийгмийн хамгааллын яам болон Монголын охидын зөвлөл хамтран Олон Улсын эмэгтэйчүүдийн эрхийг хамгаалах өдрийг угтаж охидод хэрэгтэй мэдээлэл, зөвлөгөө бүхий "Охидын чимээ" арга хэмжээг өчигдөр /2024.03.03/ амжилттай зохион байгуулав.

Тус арга хэмжээнд ЕБС-ийн 800 гаруй охин өөрсдийнхөө эрхийн төлөө дуу хоолойгоо нийгэмд хүргэж, охид хэр хүчтэй гэдгийг харуулж чадсанаараа онцлог аж.

Өдөрлөгөөр дамжуулан охид мэргэжлийн сэтгэлзүйч, эмч, хуульчаас зөвлөгөө авч, ярилцсан ба салбар салбарын эмэгтэйчүүдийн төлөөллийн илтгэлүүдийг сонсжээ.