Засгийн газар олон жилийн турш хар жагсаалт хөтөлжээ. Үүнд 43 компани багтаж байна.

Одоо 110 компанид аудитын шалгалт хийж байна. Шалгалтын дараа жагсаалтыг шинэчлэх аж.

Ямар компани хар жагсаалтад ордог вэ?

-Cонгон шалгаруулалтад оролцохдоо илт худал мэдээлэл өгсөн,
-Сүүлийн гурван жилд гэрээний үүргээ биелүүлээгүй,
-Сүүлийн гурван жилд мэргэжлийн ноцтой алдаа гаргасан,
-Авлигын хэрэгт холбогдсон нь шүүхээр батлагдсан.

Иргэний гомдол, захиалагч байгууллагын хүсэлтээр төрийн болон орон нутгийн өмчит байгууллагад ажил, үйлчилгээ нийлүүлж буй ААН-ийг шалгадаг байна. Шалгалтыг улсын байцаагч явуулж, дүгнэлт бичсэний дараа хар жагсаалтад оруулдаг аж.   

Хар жагсаалтад орсон ААН тендерт оролцох эрхгүй юм. Хар жагсаалтад багтсан ч тухайн компани охин компани байгуулж, төрөөс зарласан сонгон шалгаруулалтад оролцдог байна. Иймд дээрх жагсаалтад компанийн өмчлөгчийн нэрийг мөн ил бичдэг болох зохицуулалтыг Төрийн өмчөөр бараа, ажил үйлчилгээ худалдан авах тухай хуульд оруулжээ. Энэ заалтыг 2024.01.01-нээс дагаж мөрдөнө.