Сэтгэлд тодхон үлдсэн тэр жилийн наадам

- Аюулгүй, Аз жаргалтай цуврал контент -

“Хоёр жил наадам үзээгүй болохоор энэ жилийн наадмыг хоног тоолон хүлээлээ. Нойр хүрэхгүй догдлон хүлээсэн наадамдаа ирээд үнэхээр сайхан байна. Багаасаа морь унасан болохоор наадам гэж бодоход л огшоод байдаг юм” хэмээн ярих өсвөр насны охин.

Харцага цол авсан тэр жилийн наадам сэтгэлд нь тодхон үлдэж, наадмын талаар бодох бүрд тэр агшныг тэр жилийн наадмыг нүдэндээ зурагладаг залуу бөх.

Сумын наадмаар танилцаж, амьдралаа холбон 18 жил жаргал, зовлонгоо хуваалцаж, жил бүрийн наадмаар ижил дээлээр гангаран ирэх хос. Тэд өөрсдийн сайхан дурсамжийг хуваалцаж байна.

Дэнж хотойтол нааддаг дэлгэр Монголын наадам эхэллээ. Аюулгүй, Аз жаргалтай сайхан наадаарай.

/Бичлэгийг үзэх боломжгүй байвал ЭНД дарна уу/

- Аюулгүй, Аз жаргалтай цуврал контент -

“Хоёр жил наадам үзээгүй болохоор энэ жилийн наадмыг хоног тоолон хүлээлээ. Нойр хүрэхгүй догдлон хүлээсэн наадамдаа ирээд үнэхээр сайхан байна. Багаасаа морь унасан болохоор наадам гэж бодоход л огшоод байдаг юм” хэмээн ярих өсвөр насны охин.

Харцага цол авсан тэр жилийн наадам сэтгэлд нь тодхон үлдэж, наадмын талаар бодох бүрд тэр агшныг тэр жилийн наадмыг нүдэндээ зурагладаг залуу бөх.

Сумын наадмаар танилцаж, амьдралаа холбон 18 жил жаргал, зовлонгоо хуваалцаж, жил бүрийн наадмаар ижил дээлээр гангаран ирэх хос. Тэд өөрсдийн сайхан дурсамжийг хуваалцаж байна.

Дэнж хотойтол нааддаг дэлгэр Монголын наадам эхэллээ. Аюулгүй, Аз жаргалтай сайхан наадаарай.

/Бичлэгийг үзэх боломжгүй байвал ЭНД дарна уу/

Төв аймгийн Баян сумын харьяат, уяач Г.Отгонбаяр: Хүүхэд насны наадам л сэтгэлд тодхон үлдэж дээ. Би таван настайгаасаа хурдан морь унаж эхэлсэн. Зургаан насанд зургууланд нь унадаг байсан. Сумын наадамд азарга насанд морио гуравт оруулж байлаа. Аав маань мориныхоо амыг татаж, нүх сүв харж яваарай гээд л захиад гаргадаг байсан. Анхандаа ч туршлагагүй нүх дайраад л гардаг байсан. Нэг насаа хурдлуулч ирээд дараагийнхдаа гүйгээд л өлсөж цангахаа ч мэддэггүй байсан даа.

Суманд цагаан сар, наадам шиг сайхан баяр үгүй шүү дээ. Бүх л зүйлээ хичээж бэлдэнэ. Манай гэр бүлийн хувьд 1996 оны наадам мартагдашгүй сайхан наадам болж үлдсэн. Манайх тэр жил хоёр түрүү авч, хоёр үрээ маань айрагдсан. Их нас, азарга түрүүлж, шүдлэн, хязаалан айрагдсан. Хүү маань унаж уралдсан. Бичгийн цаасыг 4 хуваасны дайтай хэмжээнд талархлаа бичиж өгч байсан юм.

Сумын заан Г.Мөнхбат: 2014 онд сумын начин, 2016 онд сумын заан цол хүртсэн. Аав маань цол авахад их баярласан. Дотроо их баярласан болов уу гэж боддог. Багаасаа бөх сонирхож, сайхан бөх болъё гэж боддог байсан. Гэр бүлийнхэн маань зодог шуудаг, дээл гээд бүгдийг нь бэлдээд бэлтгэл хийх боломжоор ч хангаж өгсөн. Цол хүртэж аав, ээжийгээ баярлуулсан гэж боддог. Аав ээжтэйгээ наадсан наадам л хамгийн сайхан нь даа.

Төв аймгийн Баян сумын Өгөөмөр бригадын малчин Санжаажамц: 1989 онд улсын наадамд морио сойсон маань их сайхан байсан. Сумын наадам их сайхан. Хөдөөгийн малчид, найз нөхөд, ах дүүстэйгээ уулзаж, учирдаг болохоор их сайхан. Эхнэр: 2004 оны наадмаар хань маань сэтгэлээ илчилж байлаа. Өмнө нь таньдаг байсан ч тэр үед сэтгэлээ илчилж, үерхэж эхлээд 18 жилийг хамтдаа туулж байна. Тэр жилийн наадам л хамгийн сайхан нь санагддаг.

Аймгийн харцага Дагвадорж: 2015 онд Төв аймгийн баяр наадмаар тавын даваанд одоогийн Улсын заан Б.Батмөнхөөр тав, аймгийн хурц арслан Төгөлдөрөөр зургаа давж аймгийн харцага цол авсан нь хамгийн сэтгэлд тод үлдэж, дурсамж үлдээсэн.

Багануур дүүргийн Боловсрол цогцолбор сургуулийн 12-р ангийн сурагч Б.Ану: Би өвөө, эмээтэйгээ өссөн. Өвөө маань олон жил морь уясан хурдан буян ихтэй хүн байдаг. Намайг таван настайгаас маань хурдан морь унуулж сургаад би долоон жил хурдан морь унаж байсан. Баян сумын 90 жилийн ой их сайхан болсон. Нартай, хуртай, салхитай гээд цаг агаарын олон нөхцөлд морио унаад айраг, түрүү авсан. Тэр жилийн наадам л их сайхан байсан даа.

2016 онд анхны уралдаандаа орж байсан. Тэрний дараа жил 9-д орсон нь хамгийн том амжилт маань. Тэр жилийн наадам л их гоё байсан.