УИХ-ын чуулган хуралдаж байна. Чуулганаар шатахуун, мах, гурилын үнийг тогтоон барих замаар инфляцыг бууруулах тухай хуулийн төслийг хэлэлцэж байна.

Хуралдаанд Төв банкны Ерөнхийлөгч Б.Лхагвасүрэн оролцож, гишүүдийн асуултад хариулж байна. Тэрээр “2012-2016 онд хэрэгжүүлсэн хөтөлбөрт 7.2 их наяд төгрөг зарцуулжээ. "Сайн хашаа", "Сайн хувьцаа" гэх мэт хөтөлбөр ч бий. Зарим зээл 1 хувийн хүүтэй байсан. Олон улсын аудитын компани энэ хөтөлбөрт хяналт хийсэн. Хөтөлбөрийг Төв банк дангаараа хэрэгжүүлээгүй. Арилжааны банк хохирол хүлээсэн жишээ бий. Капитал банкнаас төв банк эх үүсвэрээ татангуут энэ банк хүнд байдалд орсон” гэв. 

УИХ-ын дэд дарга Т.Аюурсайхан “Үнэ тогтворжуулах хөтөлбөрийн хүрээнд Монголбанк 4.8 их наяд төгрөгийн зээл олгосон. Энэ зээлийг зориулалтын бусаар ашигласан ААН бий. Улс төрийн нөлөө бүхий этгээд зээл авсан баримтыг би ШӨХТГ-ын дарга байхдаа олж мэдсэн. Өмнөх хөтөлбөрийг дүгнэсний дараа энэ хуулийг батлах нь зөв. Энэ асуултад Төв банкны ерөнхийлөгч хариулаарай” гэсэн юм.

Үнэ тогтворжуулах хөтөлбөрийг 2012-2016 онд үүссэн хямралыг давах зорилгоор Монголбанкнаас хэрэгжүүлсэн юм.