Эрүүл Мэндийн Яам болон Улсын Онцгой Комиссоос иргэдэд зориулан мэдээлэл, үйлчилгээ авах, санал хүсэлтээ илгээх боломж бүхий www.119.mn цахим хуудсыг ажиллуулж эхэлсэн билээ.

Мобиком Корпораци ХХК нь Нийгмийн хариуцлагын хүрээнд Монгол орон даяар 1,5 сая хэрэглэгчдээ энэхүү цахим хуудсанд дата төлбөргүй хандах боломжийг бүрдүүллээ. Ингэснээр Мобикомын хэрэглэгчид дата багцгүй, нэгжгүй үедээ ч уг цахим сайтад хандаж хот хооронд зорчих хүсэлтээ илгээх, шинжилгээ өгөх газрын лавлагаа, шинжилгээний хариугаа авах болон эдгээртэй холбоотой санал хүсэлтээ илгээх боломжтой юм.

Санамж: Энэхүү дата төлбөргүй хандах эрх нь зөвхөн www.119mn цахим хуудас руу хандахад үйлчлэх бөгөөд гар утасны 119 апликейшн ашиглахад дата төлбөр тооцогдохыг анхаарна уу.