Украины парламентын дарга асан Андрей Парубий бямба гарагт Львов хотод буудуулж амиа алдсаныг албаныхан мэдээллээ.

Цахим орчинд түгсэн бичлэгээс харвал түүнийг амийг хөнөөсөн этгээд хүргэлтийн компанийн ажилтны дүрээр ойртож, найман удаа буудаад зугтжээ.

Парубий газар дээрээ нас барсан аж. Улмаар Украины эрх баригчид хэрэгтнийг эрэн сурвалжлах өргөн хүрээтэй ажиллагааг эхлүүлээд байна.

Украины ерөнхийлөгч Володимир Зеленський энэ хэргийг “аймшигт аллага” хэмээгээд Парубийн гэр бүлд эмгэнэл илэрхийлжээ.

Цагдаагийн газрын мэдээллээр халдагч этгээд энэ хэргийг “маш нягт төлөвлөсөн” байсан ба энэ хэрэгт Оросын оролцоо байгаа эсэхийг шалгана гэв.

54 настай Парубий 2014 оны "Евромайдан" хөдөлгөөнөөр олонд танигдсан бөгөөд энэ нь Украиныг Европын холбоотой илүү нягт харилцаатай байхыг шаардсан.

Мөн үр дүнд нь тухайн үеийн ерөнхийлөгч, Оросыг дэмжигч Виктор Януковичийг огцроход хүрч байв.

Эх сурвалж: ВВС