Гуравдугаар сарын 1-нд дэлхий дахинаа болж байсан онцгой үйл явдлуудаас дурдвал..

1683 оны гуравдугаар сарын 1. Зургадугаар далай лам төрөв

Зургадугаар далай лам Санжаа Жамц нь Энэтхэг улсын Таванг тосгоноос 5 км зайд орших Уржелинг хийдэд “Монпа” үндэстний гэрт төржээ. 

Энэ Энэтхэгийн өнөөгийн Арунахал Прадеш аймгийн Таванг хийдээс тийм ч холгүй юм.

Тэрээр Төвд, Монгол, Буриад, Халимаг, Тува дахь буддын шашинт шарын шашны сүсэгтнүүдийн итгэл бишрэлийн манлайлагч байсан ба 1706 онд ердөө 23 насандаа өөд болсон аж. 

1780 оны гуравдугаар сарын 1. Пенсильван АНУ-ын анхны боолчлолыг эсэргүүцсэн муж болов

Энэ нь хүн төрөлхтний түүхэнд анх удаа боолчлолыг эсэргүүцсэн, ардчилсан шинжтэй үйлдэл байсан юм. Энэ өдрөөс эхлээд Пенсильван муж улсад төрсөн хүүхэд бүр чөлөөт иргэн хэмээн тогтоосон байна. Гэвч боолын эзэд боолуудаа чөлөөлөх дургүй байсан бөгөөд боолын гэрт шинээр төрсөн хүүхдийг 28 нас хүртэл нь эцэг эхийнх нь эзний төлөө ажиллуулдаг байжээ. Улмаар 1847 онд боолыг бүрэн халсан гэж үздэг байна. 

1872 оны гуравдугаар сарын 1. Yellowstone дэлхийн анхны “Үндэсний цэцэрлэгт хүрээлэн” болов

АНУ-ын 18 дахь ерөнхийлөгч Улисс С.Грант гарын үсэг зурснаар Конгресс “Үндэсний цэцэрлэгт хүрээлэн” хэмээн баталжээ. Yellowstone нь АНУ-ын Монтана, Айдахо болон Уайоминг мужийг дамнан байрладаг юм. 8983 км2 газрыг хамран орших уг хүрээлэн ховордсон, зэрлэг ан амьтад, Old Faithful гэх газрын гүний халуун рашаан зэргээрээ алдартай юм.

1941 оны гуравдугаар сарын 1. “Ахмад Америк”-ийн комик ном бүтээгдэв

Marvel кино компанийн алдартай кино дүрүүдийн нэг “Ахмад Америк”-ийн анхны комик номыг хүүхэлдэйн кино бүтээгч Жой Саймон болон Жэк Кирби нар энэ өдөр бүтээж байжээ. Уг бүтээл одоогийн Marvel Comics буюу тухайн үеийн Timely Comics гэх комик номд хэвлэгдэж байсан юм. “Ахмад Америк” нь дэлхийн хоёрдугаар дайны үед эрэлхэгээр тулалдах супер хүчтэй Стив Рожерс гэх залуугийн тухай уран зөгнөлт зохиол юм. 

Эх сурвалж: onthisday.com, history.com

А.Эрхэмбаяр