КоллПро ХХК-ийн Гүйцэтгэх Захирал, Хамтран Үүсгэн Байгуулагч Г.Тулгатай ярилцлаа.

Байгууллагын харилцаа холбоог телеком компаниуд л хариуцдаг, гүйцэтгэдэг гэдэг ойлголт ард хоцорч, технологийн компаниуд энэ салбарт хүч түрэн орж ирж амжилттай ажиллах болжээ. Үүний нэг нь “CallPro” компани. Танай компани үүлэн тооцоололд суурилсан буюу клауд үйлчилгээг хэрхэн нэвтрүүлж байгаа талаар ярилцлагаа эхлэх үү?

Байгууллагын хэрэглэгчтэйгээ холбогдох утас, имэйл, сошиал суваг зэрэг харилцаа холбооны хэд, хэдэн арга байдаг. Сошиал сүлжээ сүүлийн үед маш хурдацтай хөгжихийн хэрээр энэ чиглэлийн олон чадварлаг компаниуд Монголд шинээр бий болж байна. Харин хэрэглэгчид байгууллагын утсыг мэдээлэл авах хамгийн хялбар, шуурхай арга гэж үздэг ч технологийн хувьд шинэчлэгдэхгүй маш их удсан гэж хэлж болно. Хэрэглэгч сурталчилгаа үзээд байгууллагын дугаарт залгахад, хэн нэгэн утсанд хариулаад “Ийшээ залгаад асуучих” гээд өөр утасны дугаар өгдөг тохиолдол олон бий. Зарим тохиолдолд утсаа авдаггүй, эсвэл залгах бүрд завгүй байгаа дохио өгдөг. Бид уг асуудлыг хялбар бас хямдхан аргаар шийдвэрлэх зорилгоор компаниа байгуулсан. Урьд нь нэг дугаар дээр олон зэрэг дуудлага хүлээн авах буюу дуудлагын төвийн систем ажиллуулах нь тоног төхөөрөмж болон хүний нөөцөөс хамааран зардал өндөртэй шийдэгддэг байсан. Харин үүнийг “клауд”-аар шийдсэнээр том, дунд болон жижиг гээд бүх байгууллагууд банк шиг, оператор компаниуд шиг хэрэглэгчээ утсаар халамжлах боломж бүрдсэн. Дуудлага бүрийг алдахгүй хариулж, бүртгэж авснаар байгууллагуудад маш олон боломжууд нээгддэг. Байгууллага талаас давуу тал нь орж ирж байгаа дуудлага бүрийг бүртгэж, хадгалж авснаар "Big Data" үүсгэж байдаг. Тус мэдээлэлд үндэслэн маш олон дүн шинжилгээ хийх боломжтой. Үүгээр зогсохгүй ярианы бичлэг, ажилтнуудаа хянадаг боломжийг ч удирдлагуудад өгдөг юм. 

Үүнээс харахад байгууллагуудад эдийн засгийн хэмнэлт өндөр байх нь гэж харагдаж байна. Зөв үү?

Дуудлагын төв байгуулах зардал хамгийн багадаа таван саяас эхэлдэг бөгөөд том байгууллагуудынх 100-200 сая төгрөг болох нь ч бий. Өрөө тасалгааны зардал орохгүйгээр шүү дээ. Харин бид үүнийг сарын 200.000-600.000 төгрөгийн гурван төрлийн багцын сонголттойгоор санал болгож байгаа нь клауд технологийн ач.

Дуудлагын төв байгуулах зардал хамгийн багадаа таван саяас эхэлдэг бөгөөд том байгууллагуудынх 100-200 сая төгрөг болох нь ч бий. Өрөө тасалгааны зардал орохгүйгээр шүү дээ. Харин бид үүнийг сарын 200.000-600.000 төгрөгийн гурван төрлийн багцын сонголттойгоор санал болгож байгаа нь клауд технологийн ач. Зардал бага байгаад зогсохгүй бид бүх үйлчилгээ, техникийн асуудлаа 24 цагийн туршид хянаж, сар бүр шинэчлэлт сайжруулалт хийгдэж байдаг. Энэ нь нэг инженерийн цалингаас ч бага үнээр тухайн компанийн бүх утасны асуудлаа хамгийн сүүлийн үеийн технологиор шийдэж байна гэсэн үг.

“CallPro” компани уг үйлчилгээг түрээслэх боломжийг санал болгодог. Үйлчилгээг түрээслэх, худалдаж авах хоёрт ялгаа байна уу?

Худалдаж авахад хамгийн түрүүнд анхны хөрөнгө их хэмжээгээр шаарддаг. Ийм төрлийн төхөөрөмж борлуулдаг компаниуд бий. Техникийн мэдлэг багатайгаас үүдэж өндөр үнэтэй, эсвэл буруу технологи худалдаж авах эрсдэл ч маш өндөр. Клауд үйлчилгээний хувьд тухайн сарын ачааллаасаа хамаарч багцаа сонгох, хэрэгцээ шаардлагыг нь хангахгүй бол үйлчилгээгээ зогсоох боломжтой. Хоёр дахь том эрсдэл нь гаднын халдлага. Олон улсад хамгийн түгээмэл халдлага нь тухайн байгууллагын серверт нэвтрээд асар их хэмжээний олон улсын дуудлага хийх арга юм. Үүнээс болоод нэг өдрийн дотор 20, 30 сая төгрөгийн ярианы төлбөр гаргасан тохиолдлууд дотоодын компаниудад цөөнгүй байдаг. Манай серверүүдэд ч эдгээр халдлага байнга ирдэг бөгөөд бид хамгийн сүүлийн үеийн технологи болон 24 цагийн инженерийн хяналт хийдэг учраас халдлагыг зогсоож чаддаг. Гурав дахь асуудал нь хөгжүүлэлт юм. Нэгэнт худалдаад авсан төхөөрөмжид хөгжүүлэлт хийнэ гэж бараг байхгүй. Харин “CallPro”-гийн хувьд тогтмол хөгжүүлэлт хийж үйлчилгээний боломжууд байнга нэмэгддэг учраас хамгийн сүүлийн үеийн системийг өдөр бүр хэрэглэнэ гэсэн үг.

“КоллПро” үйлчилгээг 500 гаруй компаниуд хэрэглэдэг гэсэн. Ямар чиглэлийн компаниуд түлхүү ашигладаг вэ?

Даатгалын компаниудын 90 орчим хувь нь ашигладаг. Даатгалын салбарынхан маш олон хүнд шуурхай хүрч ажиллах шаардлагатай байдаг учраас хамгийн сүүлийн үеийн технологи, програмуудыг сонгож ашигладаг. Мөн сүлжээ дэлгүүрүүд болох “Номин”, “Миний дэлгүүр”, “И-Март”, “CU”, “Circle K” гээд бараг бүгд ашигладаг бөгөөд агаарын тээврийн “Изинис эйрвэйз”, “Хүннү Эйр”, “Аеро Монголиа” ч байна. Сүүлийн үед уул уурхайн компаниуд түлхүү ашиглаж эхэлж байгаа нь уурхай болон төв салбар хоорондоо дотуур холбоотой байх шаардлагаас болж байна гэж хэлж болно. Мэдээж банкнууд ч манай үйлчилгээг сонгосон.  Тодруулбал, Худалдаа хөгжлийн банк, Төрийн банк, Тээвэр хөгжлийн банк, Ариг банк гээд олон банк манай харилцагчдын эгнээнд бий. Мөн сүүлд нэвтрүүлсэн “Стартап” багцыг жижиг үсчин, онлайн дэлгүүр, хоол хүргэлт гээд бизнесээ эхлүүлж байгаа хүн бүр ашиглах боломжтой.

Үйлчилгээний салбарынхан түлхүү ашигладаг бололтой.  Клауд үйлчилгээ нэг талдаа хэрэглэгчдийн дата үүсч, түүн дээрээсээ стратегиа боловсруулах том боломж болж өгдөг юм байна. Тиймээс заавал үйлчилгээний байгууллага гэхгүйгээр бусад компанид ч санал болгож болох нь ээ?

Хэн хамгийн сайн датагаа цуглуулж, боловсруулж чадна, тэр байгууллагын өрсөлдөх чадвар төдий хэмжээгээр сайжирна.

“Data is the new oil” гэдэг хэлц гараад хэдэн жил болж байна. Өөрөөр хэлбэл хэн хамгийн сайн датагаа цуглуулж, боловсруулж чадна, тэр байгууллагын өрсөлдөх чадвар төдий хэмжээгээр сайжирна. Тиймээс заавал үйлчилгээний байгууллага биш, ер нь утастай компани бүр цуглаж байгаа энэ их мэдээлэлдээ анализ хийхэд зориулсан үйлчилгээ юм. Эдгээр дата мэдээллээс аль салбарт дуудлагын урсгал илүү их байна, оргил ачааллын цагийг тодорхойлох, операторуудын бүтээмж болон үйлчилгээний чанарыг үнэлэхэд ашиглаж байна. Мөн цуглуулсан дата мэдээллээ дараа нь маркетингдаа буюу Фэйсбүүк, Вайбер идэвхжүүлэлтийн үеэр ашиглаж болно. Үндсэндээ байгууллагууд заавал дуудлагын ачаалал нэмэгдсэн үед утсанд анхаарч эхлэх биш, утсаар орж ирж байгаа нэг дуудлага бүрд анхаарал хандуулан ажилласнаар үйлчилгээний чанараа сайжруулж, өрсөлдөгчөөсөө түрүүлж чаддаг.

“CallPro” үйлчилгээ бас “MessagePro” үйлчилгээтэй болж өргөжиж байгаа гэв үү?

“МессежПро” үйлчилгээ нь мөн клауд технологид суурилсан тул байгууллага хүссэн багцаа сонгон, сарын төлбөрөө төлөөд ашиглана. Харилцаа холбооны зохицуулах хорооны гаргасан журмын дагуу байгууллагууд хэрэглэгчдэд мессежээр мэдээлэл хүргэхдээ 13, 14, 15-р эхэлсэн зургаан оронтой тусгай дугаар ашиглах ёстой. Тусгай дугаараа авчихсан байгууллагуудад тулгардаг нэг том хүндрэл нь программ хангамжийн асуудал байдаг. Хуучнаар бол 10,000 хэрэглэгчдэд мессеж илгээхийн тулд дугааруудыг оператор тус бүрээр дөрөв ялган, дөрвөн оператор компанийн тус тусын программаар дамжуулан мессеж явуулдаг байсан. Үүний дараа дөрвөн янзын тайлангаа татаж аваад гараар нэгтгэж эцсийн үр дүнгээ харна. Харин “MessagePro” үйлчилгээгээр уг асуудлыг бүрэн шийдсэн бөгөөд нэгдсэн програмаас мессеж илгээж, дууссаны дараа тайлан татаж авах боломжтой болсон. Үүнээс гадна 10 гаруй боломжуудыг байгууллагуудад санал болгодог. Жишээ нь, байгууллага өөрийн хэрэглэгчдийнхээ төрсөн өдөр, гэрээний дуусах хугацаа зэргийг системд оруулчихсан байхад өдөр бүр таны харилцагчид руу төрсөн өдрийн мэндчилгээг, гэрээний дуусах хугацаанаас тав хоногийн өмнө гэрээгээ сунгахыг сануулсан мессеж автоматаар илгээх боломжтой. Мөн “CallPro” системтэй интеграц хийгдсэн тул утсаар залгасан хэрэглэгчдэд мессежээр илгээх зэрэг олон төрлийн автоматжуулалт хийж байна.

Шинээр гаргахаар төлөвлөж байгаа үйлчилгээ бий юу?

Яг одоогоор хоёр шинэ төсөл дээр ажиллаж байна. Нэг нь байгууллагуудад ирсэн хэрэглэгчийн санал гомдлыг бүртгэх систем. Энэ үйлчилгээг бид энэ онд багтаж гаргахаар ажиллаж байгаа. Хэрэглэгчээс дуудлага, мессеж ирэхэд тухайн хүсэлтийг ажилтан санал гомдол, мэдээлэл лавлагаа эсвэл захиалга зэргээр нь ялгана. Ингэж ялгасны дараа тухайн ажлыг хэр хугацаанд, ямар ажилтан, алба нэгжүүд шийдвэрлэснийг бүртгэнэ. Энэ дата үүсэхийн хэрээр байгууллага хэрэглэгчийнхээ зан төлөв, өмнөх захиалга гээд маш олон мэдээллүүдийг харж, илүү ухаалаг үйлчилгээ үзүүлж чаддаг болно.

Дараагийн хийгдэж байгаа том ажил бол аппликейшн, веб хуудаснаас дуудлага хийх, хүлээн авах шийдэл юм. Энэ үйлчилгээг ашигласнаар програм хангамж хөгжүүлэгчид маань өөрсдийн бүтээгдэхүүндээ утсаар ярих, видео дуудлага хийх боломжийг хялбар нэмэх боломжтой. Одоогоор бид и-оффисийн систем хөгжүүлдэг дотоодын компаниудтай хамтран туршиж байна. 100 ажилтантай байгууллага байлаа гэхэд өөрийн дотоод системээсээ шууд хоорондоо болон гар утас, суурин утас руу дуудлага хийх, дүрсээ харж ярилцах, видео хурал хийх боломжтой болно. Банкнууд жишээлбэл мобайл банкны аппликэйшн дотроо оператортай холбогдох товчийг байрлуулсанаар тухайн банкны хэрэглэгч дэлхийн хаана ч явсан банкны ажилтантай шууд ярих, видео дуудлага хийх боломж бүрдэх юм.

Үүлэн тооцооллын хөгжилд манай улсад тулгамдаж байгаа асуудал бий юу. Мэргэжлийн хүний хувьд үүнийг хэрхэн харж байна вэ?

Мэдээллийн технологийн салбарын хувьд бидэнд тулгарч байгаа гол хүндрэл нь хүний нөөцийн асуудал байдаг. Япон зэрэг орнууд манайхаас чадварлаг инженер, хөгжүүлэгчдийг олноор шалгаруулж авч байгаа нь цаашид бидний өрсөлдөх чадварыг сулруулна гэж хардаг.

Одоогоор технологийн болон хөгжүүлэгч нарын хувьд манай улс харьцангуй сайн гэж хэлж болно.

Үүлэн технологийн хувьд датаг цуглуулах, бусад системүүдтэй интеграц хийх нь одоо байгаа хамгийн дэвшилтэт арга юм. Дотоодын хэд хэдэн компаниуд энэ технологид суурилсан маш сайн үйлчилгээ үзүүлж байна.

Хэрэглэгч бүрээ таньж чаддаг болсноор маш олон өөрчлөлтийг хийж болдог

Харин дата илүү чухал болж байгаа өнөө үед компаниуд энэ чиглэлд илүү анхаарах шаардлагатай. Цаашид дата улам үнэтэй болно. Датагаа өнөөдөр сайн цуглуулж чадсан байгууллага ирээдүйд датаг өндөр үнээр худалдаж авах шаардлагагүй болно. Мөн илүү ухаалгаар, бага зардлаар, илүү гүйцэтгэлтэйгээр ажиллаж чадна. Ийм ч учраас бид харилцагч нартаа мэдээллээ цааш нь хэрхэн ашиглаж болох талаар зөвлөгөө, мэдээллүүдийг өгдөг. Харилцагчид маань ч үйл ажиллагаандаа нэвтрүүлэхдээ дуртай байдаг. Наад зах нь залгасан хэрэглэгч бүрээ таньж чаддаг болсноор маш олон өөрчлөлтийг хийж болдог.

Ярилцсанд баярлалаа. Та бүхний ажил үйлсэд амжилт хүсье.

За баярлалаа. Та бүхэнд ч ажлын амжилт хүсье.