Нийслэлийн Баянзүрх дүүрэгт айлын тагтан дээр гал гарч байсныг онцгой байдлын алба хаагчид унтраажээ.

Тодруулбал, тус дүүргийн 8 дугаар хороо, 108 дугаар байрны тагт дээр гал гарч байна гэсэн дуудлагыг дөрөвдүгээр сарын 25-ны өдрийн 16:14 цагт хүлээн авч Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 16:17 цагт очиж, тус тооотын тагт дээр эд, хогшил шатаж байсныг 15 мин ажиллаж унтраажээ.

Иргэд та бүхэн ялангуяа хаврын хуурайшилттай энэ цаг үед тагтан дээрээ тамхи татахгүй байх, татвал тамхи болон асаасан шүдэнзээ бүрэн унтраан өөрийн гэрийн хогийн савандаа хийхийг анхааруулж байна.