Хөгжмийн ертөнцөд тун эрчтэй гарч ирсэн дуучин Кеша сүүлийн үед уран бүтээл гэхээс илүү гоо сайхандаа анхаардаг болжээ.

Түүнийг 500 ам.доллараар үсээ янзлуулахдаа 31 шувууны 1500 гаруй өдөөр чимэглэсэн хэмээн менежер нь ярьсан байна.

Кеша Лос Анжелост болсон "Ванго Танго" ёслолд ирэхдээ уг чимэглэлээр гоёсон байв. Түүний үсний засалтыг өөрчилсөн дизайнерууд тун бардам байгаа аж.

Хэвлэлүүд түүний ер бусын үсний засалтын талаар олон өнцгөөс нь бичжээ. Тухайлбал, "Кеша анхаарлын төвд орохыг хүссэн үү", "Уран бүтээлээс хөндийрч амьтан судлал руу урвалаа" гэхчилэн түүнийг хатгасан, егөөдсөн байдлаар илүүтэй шуугьсан байна.

АНУ-ын Мичиган мужаас гаралтай дуучин бүсгүй "Тик Ток", "Райт Роунд" зэрэг бүтээлээрээ олонд танигдсан юм.

http://niigmiintoli.mn/