ОХУ дайн эхэлснээс хойш дрон буюу нисгэгчгүй онгоцны хамгийн том довтолгоог нутаг дэвсгэрт явуулсан гэж Украины талаас мэдэгдэв.

Уг дайралтын улмаас орон сууцууд сүйдэж, нэг хүн амиа алдсан байна. Энэ довтолгоо нь АНУ болон ОХУ-ын ерөнхийлөгчид дайны асуудлаар утсаар ярихаас ердөө нэг хоногийн өмнө болов.

Оросын талаас 273 дрон хөөргөсний 88-ыг нь унагасан хэмээн Украины талаас мэдээлсэн. Нэг хүн амиа алдаж, гурван хүн шархадсаны дотор дөрвөн настай хүүхэд байжээ. 

Орос, Украины төлөөлөгчид өнгөрсөн баасан гарагт Туркийн Истанбул хотноо уулзсан. Энэ нь гурван жилийн хугацаанд анх удаа биечлэн уулзсан тохиолдол байв.

Энэ үеэр талууд олзны цэргүүдийг солилцох тохиролцоонд хүрсэн бөгөөд бусад зарим асуудалд мөн ахиц гарсан гэсэн юм.

Өнөөдөр буюу даваа гарагт Трамп, Путин нар дайны асуудлаар утсаар ярихаар тохиролцсон. 

АНУ-ын Сангийн сайд "Ерөнхийлөгч Трамп байр сууриа маш тодорхой илэрхийлсэн. Хэрэв Путин хэлэлцээр хийхгүй бол АНУ Европын орнуудтай нэгдэж, ОХУ-д хориг тавих болно" гэжээ. 

Трампын Путинтэй утсаар ярихаас өмнө Их Британи, Франц, Герман, Польшийн удирдагчид түүнтэй ярилцахаар төлөвлөж буйг Германы канцлер мэдэгдсэн. 

Эх сурвалж: Reuters