Сангийн сайдын 2025 оны 03 дугаар сарын 20-ны өдрийн 51 тоот тушаалаар батлагдсан Засгийн газрын дотоод үнэт цаасны 2025 оны 2 дугаар улирлын арилжааны хуваарийн дагуу 2025 оны 04 дүгээр сарын 30-ны өдөр анхдагч зах зээлийн арилжааг эхлүүлсэн.

Дөрөвдүгээр сарын 30-ны өдөр Засгийн газрын дотоод үнэт цаасны анхдагч зах зээлийн арилжаагаар 52 долоо хоног болон 3 жилийн хугацаатай, нийт 10 тэрбум төгрөгийн үнийн дүн бүхий 100 мянган ширхэг бондыг хөрөнгө оруулагчдад нээлттэй санал болгосон бөгөөд хөрөнгө оруулагчдаас 52 долоо хоногийн хугацаатай бондод 3.9 дахин, 3 жилийн хугацаатай бондод 3.5 дахин их захиалга буюу нийт 37 тэрбум төгрөгийн үнийн дүн бүхий нийт 41 ширхэг захиалга ирүүлсэн байна.

Тус үнэт цаасны хоёрдогч зах зээлийн арилжаа өнөөдөр (2025.05.01) дараах симболтойгоор эхэллээ.

Эх сурвалж: Монголын хөрөнгийн бирж