Францын парламентын гишүүд Засгийн газартаа цаашид итгэл хүлээлгэх эсэх санал хураалтыг лхагва гарагт явуулав.

Уг санал хураалтад гишүүдийн олонх гурван сарын өмнө томилогдсон Ерөнхий сайд Мишель Барниер тэргүүтэй Засгийн газрыг огцруулахыг дэмжжээ.

Энэ нь 1962 оноос парламент нь итгэл хүлээлгэхгүй гэсэн санал хураалтаар Засгийн газраа огцруулж буй анхны тохиолдол болж байна.

Хэт баруун болон зүүний үзэл баримтлалтай намууд Барниерыг эрх мэдлээ ашиглан олонхын дэмжээгүй төсвийг парламентын эцсийн санал хураалтгүйгээр баталсан хэмээн ийм санал хураалт явуулахаар болсон аж. 

Францын хамгийн залуу Ерөнхий сайдаар тодорч байсан Габриел Аттал энэ оны есдүгээр сард огцорсны дараа 73 настай улс төрч Мишель Барниерыг томилсон.

Гэсэн ч парламентын гишүүдийн саналаар тэрбээр Ерөнхийлөгч Эммануэль Макронд огцрох өргөдлөө өгөх ёстой болж байна.

Франц улс 2024 оны төгсгөлд тогтвортой Засгийн газаргүй, ирэх оныхоо төсвийг батлаагүй нөхцөл байдалтай байгааг тус улсын Засгийн газар нуран уналаа хэмээн хэвлэлүүд мэдээлжээ. 

Ерөнхийлөгч Макрон пүрэв гаргийн орой олон нийтэд мэдэгдэл хийнэ гэв.

Эх сурвалж: Reuters