МЭӨ 776 онд Грекийн Олимп (Бурханы орон) гэж алдаршсан домогт хотод анхны тоглолт нь болж дөрвөн (өнөр) жил тутам уламжлал болон зохиогдож байсныг 382 жилийн дараа МЭӨ 394 онд Ромын эзэн хаан I Феодорсий хориглон зогсоосны уршгаар 2290 жил тоглолт нь тасалджээ.

Францын Пьер де Кубертений санаачилгаар Олон улсын спортыг зохион байгуулах анхдугаар хуралдаан 1894 оны IV сарын 23-нд болж олимпийн тоглолтыг шинээр дахин сэргээн зохиохоор шийдвэрлэжээ.

Шинээр зохиогдсон Олимпийн анхны тоглолт 1896 оны IV сарын 6-15-нд Грекийн Афин хотод болж 13 орны 295 тамирчин оролцсоны 13 нь эмэгтэй байсан нь анхных болж түүхэнд тэмдэглэгджээ. Энэ тоглолтын хөтөлбөрт буудлагын спорт шинээр нэмэгдэн орсон байна. Мөн Олимпийн нэг тоглолт 1924 оны нэгдүгээр сарын 25-наас хоёрдугаар сарын 4-нд Францын Шамоны хотод 16 орны 293 тамирчин оролцсон мөн л 13 нь эмэгтэй байжээ.

Ийнхүү Олимпийн зун, өвлийн тоглолтууд дөрвөн жил тутамд ээлжлэн зохиогдох болсноор манай гаригийг бүхэлд нь хамарсан том наадам болсон байна.