Персийн булангийн хамтын ажиллагааны зөвлөлийн зургаан гишүүн орны нийт хүн ам 2020 он гэхэд гуравны нэг хувиар нэмэгдэж, 53 сая хүрнэ гэж тооцоолжээ.
    
"Хүн амын өсөхийн зэрэгцээ залуучуудын тоо багасах нь Персийн булангийн орнуудад тулгамдах томоохон сорилт болно" гэж Персийн булан ба хүн ам 2020 он" гэсэн тайланд дурдсан байна. Үүнээс гадна боловсролтой эмэгтэйчүүдийн тоо нэмэгдэж, хөдөлмөр эрхлэлтэд өөрчлөлт орно гэж ттус тайланд бичжээ. Нефтийн нөөцөөр баялаг Персийн булангийн зургаан улс одоогоор 35 сая хүн амтай бөгөөд тэдний 35 хувь нь цагаач иргэд аж.
    
Персийн булангийн хамтын ажиллагааны зөвлөл 1981 онд байгуулдсан бөгөөд улс төр, эдийн засгийн холбооны үйл ажиллага явуулдаг байна. Тус зөвлөлд Бахрейн, Кувейт, Оман, Катар, Саудын Арави, Арабын Нэгдсэн Эмирт улс багтдаг. Тус байгууллага нь дэлхийн нефтийн нөөцийн 40 хувийг эзэмшдэгээс гадна өдөрт 16 сая торх нефть боловсруулдаг аж.

С.Отгонбаяр