Ардчилсан залуучуудын холбооноос “Залуучууд муу­хайн эсрэг” хөтөлбөрийг эх­лүүлж байгаа талаар өчигдөр мэдээлэл хийлээ. Тус хол­бооноос Улаанбаатар хотын 20 мянга гаруй залуусын дунд судалгаа явуулжээ. Судал­гааны дүнгээр монгол залуу хүнд байж болохгүй таван муухай шинж чанар, үзэгд­лийг тодорхойлсон бай­на. Эдгээрт бэлгэвч хэрэг­лэдэг­гүй, боловсролтой мөрт­лөө чадваргүй, архи ман­сууруу­лах бодис хэрэглэдэг, харил­цааны соёлгүй байх нь муу­хайд багтжээ. Иймээс хөтөл­бөрийн салхийг хагалан энэ сарын 15-29-нийг хүртэл “Бэлгэвч хэрэглэхгүй байх муухай” аяныг хэрэгжүүлэх аж. Энэ аяны зорилго нь ХДХВ, ДОХ,БЗДХ нь Мон­голын хүн амын өсөлт, ний­гэм эдийн засагт хэрхэн нө­лөөлж байгаа, түүний хор хөнөөлийг багасгах, сэр­гийлэх ач хол­богдлыг за­луучуудад ухуулан таниулах юм. Мөн бэлгэвч бол за­луусын эгэл жирийн хэрэглээ юм шүү гэдгийг ойлгуулж, төлөвшүүлэхээр зорьжээ. Тус аяныг ЭМЯ-ны харьяа “Глобал” сан, ХӨСҮТ-ийн дэргэдэх “Улаан­тууз” эмнэлэг, ДОХ-ын үндэс­ний сан, “Мэри стопс” олон улсын байгууллага, Улаан загал­май олон улсын бай­гуул­лага хамтран зохион бай­гуулж байгаа юм байна. Аяны хү­рээнд эрүүл мэндийн нээлт­тэй өдөрлөгийг хотын төвийн хоёр, хо­тоос алс­лагдмал хоёр цэгт энэ сарын 21-22-нд зо­хиохоор болжээ. Өдөр­лөгийн үеэр залуучууд, ир­гэдийг ДОХ-ын үнэ төл­бөргүй явуу­лын үзлэг шин­жилгээнд хам­руу­лахаас гад­на бэлтгэгдсэн сургагч багш нар бэлгэвчийг хэрхэн зөв хадгалах, хэрэг­лэх та­лаар сургалт явуулж, мөн мэ­дээл­лийн хуудас, бэл­гэвч та­раах гэнэ. Даш­рамд дурдахад “Мэри стопс” олон улсын бай­гуул­лагын захирал Алтан­­­чимэг “Насанд хү­рэгч­дийн дунд бэлгэвчний хэрэг­лээ дөнгөж 15 хувьтай байгаа. Мөн за­луусын 70-75 хувь нь тогтмол бус хэрэглэдэг гэж хариулсан байна” гэлээ.