Нийтийн тээвэрт цахим төлбөрийн систем нэвтрүүлснийг хотын иргэд үнэлж, аравдугаар сарын 1-ний өдрийн байдлаар нийтийн тээврээр үйлчлүүлдэг нийт иргэдийн 70 гаруй хувь нь цахим карт худалдан авсан байна гэж Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа мэдээллээ.

“Улаанбаатар цахим карт” ХХК-иас ирүүлсэн албан ёсны мэдээгээр аравдугаар сарын 1-ний байдлаар нийт 449400 цахим төлбөрийн картыг худалдсан байна. Нийт 1438080000 төгрөгөөр цахим карт борлуулжээ.

Тодруулбал,

• Энгийн карт – 274589,
• Хүүхдийн карт (Ерөнхий боловсролын сургуулийн сурагчид) – 65430,
• Ахмад настны карт – 78151,
• Хөгжлийн бэрхшээлтэй иргэдийн карт – 23836,
• Оюутны карт 7594 ширхэг иргэдийн гарт очоод байгаа аж.