БИТЛЗ ХАМТЛАГИЙН ХӨШӨӨ
Битлз хамтлагт зориулсан хөшөөг 2008 онд “Шар айраг” хамтлагийн дуучин Г.Ганхүүгийн санаачилгаар, Б.Дэнзэнгийн эх загвараар хүрлээр цутгаж хийсэн. Хөшөөг Битлз хамтлагийн шүтэн бишрэгчдийн хандиваар босгосон.
Байршил: Сүхбаатар дүүргийн 4-р хороо, Энхтайвны өргөн чөлөө, Их дэлгүүрийн замын эсрэг талд

БАЙГАЛИЙН ТҮҮХИЙН МУЗЕЙН ӨМНӨХ ХОЁР ЧУЛУУН АРСЛАН
XIX зууны үед бүтээгдсэн хос чулуун арсланг Монголын сүүлчийн хаан VIII Богд Жавзандамба хутагтын төрийн шар ордны шөргөн хашааны үүдэнд байсныг 1954 онд эрдэмтэн, газарзүйч О.Намнандорж тухайн үеийн Улсын түүхийн музейн үүдэнд буюу өнөөгийн Байгалийн түүхийн музейн үүдэнд шилжүүлэн байрлуулжээ. Энэхүү хос арсланг Богдын шар ордны хамгаалагч хэмээн үздэг байсан бөгөөд Шар ордон нь одоогийн Хүүхдийн урлан бүтээх төв, IV дэлгүүрийн хооронд байжээ.
Байршил: Чингэлтэй дүүргийн 4-р хороо, Байгалийн түүхийн музейн хаалганы өмнө
Хамгаалалтын зэрэглэл: Засгийн газрын 2008 оны 175-р тогтоолоор Нийслэлийн хамгаалалтад авсан.

“МААМУУ НААШ ИР” ДУУНЫ ХӨШӨӨ
1956 онд “Маамуу нааш ир” дууны шүлгийг хүүхдийн дууны нэрт мастер Ч.Лхамсүрэн, хөгжмийг Монгол Улсын төрийн шагналт, Ардын жүжигчин, хөдөлмөрийн баатар Д.Лувсаншарав нар зохиожээ. 2011 онд энэхүү дуу зохиогдсоны 55 жилийн ойд зориулж, уран барималч Б.Эрдэнэбатын загвараар бие даасан уран бүтээлчид хамтран бүтээсэн. “Маамуу нааш ир” хөшөө нь дуунд зориулж босгосон гурав дахь хөшөө юм.
Байршил: Сүхбаатар дүүргийн 2 дугаар хороо, Чингисийн өргөн чөлөө, Хүүхдийн ордоны баруун талд

УНАГАТАЙ ГҮҮ
Энэхүү хөшөө нь “Нийслэлийн түүх соёлын үл хөдлөх дурсгал”-д хамаарна. Гэмтэл учруулах, холбогдох захиргааны байгууллагын зөвшөөрөлгүй шилжүүлэхийг хориглоно.
Байршил: Чингэлтэй дүүргийн 5-р хороо, Самбуугийн гудамж, Хүнсний 1 дэлгүүрийн урд
Хамгаалалтын зэрэглэл: Нийслэлийн Засаг даргын 2008 оны 357 дугаар захирамжаар Чингэлтэй дүүргийн хамгаалалтад авсан.

САРЛАГТАЙ ХҮҮ
Энэхүү хөшөө нь “Нийслэлийн түүх соёлын үл хөдлөх дурсгал”-д хамаарна. Гэмтэл учруулах, холбогдох захиргааны байгууллагын зөвшөөрөлгүй шилжүүлэхийг хориглоно.
Байршил: Чингэлтэй дүүргийн 5-р хороо, Самбуугийн гудамж, Хүнсний 1 дэлгүүрийн урд

ТҮРЭГИЙН БИЧИГТЭЙ ЧУЛУУ
Энэхүү хөшөө нь “Нийслэлийн түүх соёлын үл хөдлөх дурсгал”-д хамаарна. Гэмтэл учруулах, холбогдох захиргааны байгууллагын зөвшөөрөлгүй шилжүүлэхийг хориглоно.
Байршил: Чингэлтэй дүүргийн 5-р хороо, СУИС-ийн өмнө

АЛТАЙ УГАЛЗНЫ БАРИМАЛ
Алтай угалзны баримлыг Рейх Тэйлорийн загвараар хийж, Канад улсаас 2006 онд Монголд бэлэглэсэн. Энэхүү хөшөө нь “Нийслэлийн түүх соёлын үл хөдлөх дурсгал”-д хамаарна. Гэмтэл учруулах, холбогдох захиргааны байгууллагын зөвшөөрөлгүй шилжүүлэхийг хориглоно.
Байршил: Чингэлтэй дүүргийн 4-р хороо, Хуульчдын талбай, Байгалийн түүхийн музейн урд
Хамгаалалтын зэрэглэл: Нийслэлийн Засаг даргын 2008 оны 357 дугаар захирамжаар Чингэлтэй дүүргийн хамгаалалтад авсан.

НАР БАЙГАЛЬ БАРИМАЛ
1983 онд Р.Энхтайваны эх загвараар зэсээр цутгаж хийсэн. Төв хэсэг нь нарыг бэлгэдэж, баруун хэсэг нь сансар огторгуй, зүүн хэсэг нь урган соёлж буй цэцгийг дүрслэн үзүүлжээ.
Байршил: СБД, 1-р хороо, Баянгол зочид буудлын зүүн талд
Хамгаалалтын зэрэглэл: Нийслэлийн Засаг даргын 2008 оны 357 дугаар захирамжаар Сүхбаатар дүүргийн хамгаалалтад авсан.

МОНГОЛ УЛСЫН ИХ СУРГУУЛИЙН ТӨВ БАЙРНЫ ӨМНӨХ ХОЁР ЧУЛУУН АРСЛАН
XIX зууны сүүл үед бүтээгдсэн хос чулуун арсланг Баянхонгор аймгийн Галуут сумын Чин сүжигт Номун хан хутагтын хийдийн цогчин дуганы үүдэнд байсныг 1954 онд МУИС-ийн захирал Б.Ширэндэв Монгол Улсын Их Сургуулийн төв байрны үүдэнд авчирч байрлуулжээ.
Байршил: Сүхбаатар дүүргийн 6-р хороо, МУИС-ийн төв байрны өмнө
Хамгаалалтын зэрэглэл: Засгийн газрын 2008 оны 175-р тогтоолоор Нийслэлийн хамгаалалтад авсан.

“УЧРАЛ” БАРИМАЛ
1991 онд Б.Хийморийн эх загвараар хүрлээр цутгаж хийсэн. Энэхүү хөшөө нь “Нийслэлийн түүх соёлын үл хөдлөх дурсгал”-д хамаарна. Гэмтэл учруулах, холбогдох захиргааны байгууллагын зөвшөөрөлгүй шилжүүлэхийг хориглоно.
Байршил: Чингэлтэй дүүргийн 4-р хороо, Хуульчдын талбай, Байгалийн түүхийн музейн урд цэцэрлэг
Хамгаалалтын зэрэглэл: НИТХ-ын Тэргүүлэгчдийн 2007 оны 197-р тогтоолоор Чингэлтэй дүүргийн хамгаалалтад авсан.

ХЭЛМЭГДЭГСДЭД ЗОРИУЛСАН ДУРСГАЛЫН ХӨШӨӨ
1991 онд Хэлмэгдэгсдэд зориулсан дурсгалын хөшөө босгох шийдвэр гарч, 1997 онд Л.Болдын эх загвараар хөшөөг бүтээсэн. Хөшөөнд хэлмэгдүүлэлт, хаагдмал байдлыг илэрхийлсэн ба хар дөрвөлжин хүрээнээс гэрэл рүү тэмүүлсэн хүнийг дүрсэлсэн. Урт, өргөн 5м, өндөр 6,5м, 7-8 тонн жинтэй хөшөөг гантиг чулуу, төмөр, зэсээр бүтээжээ. 1990 оноос хойш нийслэл хотын нутаг дэвсгэрт боссон анхны модернист чиглэлийн хөшөө гэдгээрээ онцлог.
Байршил: ЧД, 4-р хороо, Үндэсний түүхийн музейн урд