Нийтийн тээврийн чиглэл, автобусны буудлуудын мэдээлэл, ойролцоох автобус болон буудлын мэдээлэл, тухайн чиглэлийн эхлэх дуусах цаг, автобусны тоо, хоорондын зай болон өдөр тутмын мэдээ мэдээллийг Android үйлдлийн системтэй утастай бол авах боломжтой боллоо.

Тодруулбал, Улаанбаатар хотын нийтийн тээврийн үйлчилгээнд Удирдлага, мэдээллийн болон цахим төлбөрийн систем нэвтрүүлэх төслийн хүрээнд Нийтийн тээврийн үйлчилгээний “UB smart bus” аппликейшний эхний хувилбарыг гаргасан байна.

Одоогоор Android үйлдлийг системтэй утсанд зориулсан хувилбарыг Play store дээр байрлуулсан бөгөөд тун удахгүй iOS үйлдлийн системд зориулсан хувилбарыг гаргана хэмээн Улаанбаатар смарт карт компаниас мэдээллээ.