МҮХАТ, Оюуны Өмчийн газраас хамтран зохион байгуулсан “ҮНДЭСНИЙ ШИЛДЭГ БРЭНД-2010” үндэсний шалгаруулалтаас М-Си-Эс Электроникс ХХК-ийн  МОГУЛ брэнд компьютер “ШИНЭ БРЭНД БҮТЭЭГДЭХҮҮН” өргөмжлөлийг хүртлээ. Энэхүү шалгаруулалт нь жил бүр уламжлал болгон явагддаг бөгөөд үндэсний шилдэг үйлдвэрлэгчдийн бүтээгдэхүүн, үйлчилгээг дэмжих, сурталчлах, хэрэглэгчдэд илүү ойртуулахад чиглэгдсэн бөгөөд уг шалгуурыг хамгийн шилдэг гэдэг утгаар нь олон нийтийн санал асуулгаар сонгон шалгаруулдгаараа онцлог юм.
 
М-Си-Эс Электроникс компани 2009 онд Монголд анх удаа бүрэн автоматжуулсан компьютерийн үйлдвэрийг ашиглалтад оруулж, олон улсын стандартад нийцсэн угсралтын технологиор Могул брэндийн компьютеруудыг үйлдвэрлэн гаргасан бөгөөд Могул брэндийн компьютерууд нь бүрэн автоматжуулагдсан, чанарын хяналт бүхий технологийн горимтой, 24 цагийн турш тестлэх лабораторитой, олон улсын стандартын шаардлага бүрэн хангасан үйлдвэрийн дамжлагаас шууд хэрэглэгчиддээ хүрдэг, 2010 оны 2 сард дэлхийн №1 програм хангамж үйлдвэрлэгч Microsoft корпорацийн Driver Test Manager системээр амжилттай тестлэгдэж Windows 7 үйлдлийн системтэй 100% нийцэж ажилласнаар Microsoft корпорациийн чанарын гэрчилгээг гардан авсан, дэлхийн түвшинд хүлээн зөвшөөрөгдсөн үндэсний шилдэг брэнд бүтээгдэхүүн юм.  

Могул брэнд нь хэрэглэгчдийнхээ хэрэгцээ шаардлагаас хамааран 5 төрлийн Могул ширээний компьютер, 2 төрлийн зөөврийн компьютерийг үйлдвэрлэн гаргаж байгаа бөгөөд үндэсний брэнд компьютерийг дотооддоо үйлдвэрлэж буй тул дэлхийн шилдэг брэндүүдийн адил компьютер бүртээ олон нэмэлт боломж, өөр өөрийн онцлог бүхий өвөрмөц загвар дизайн, албан ёсны програм хангамж, хамгийн урт буюу 3 жилийн баталгаат хугацааг санал болгодог. Түүнчлэн хэрэглэгчдийн ая тухыг бодож, засвар үйлчилгээг хамгийн богино хугацаанд гүйцэтгэх тал дээр онцгойлон анхаарал хандуулж Могул компьютерт гарсан аливаа гэмтлийг 4 цагийн дотор оношилж, 24 цагт багтаан засвар үйлчилгээг бүрэн хийж дуусгаж байна. Энэ бол импортын аль ч компьютерт байхгүй зөвхөн Могул компьютерийн хэрэглэгчдэд олгогдох маш том давуу тал юм.

Могул брэндийн авсан шагналууд:

2009.05. ICT EXPO 2009 үзэсгэлэн. Мэдээлэл, холбооны технологийн салбарын “ШИЛДЭГ ХӨРӨНГӨ ОРУУЛАГЧ”-Могул компьютерийн үйлдвэр

2010.05. ICT EXPO 2010 үзэсгэлэн. Мэдээлэл, холбооны технологийн салбарын “ШИЛДЭГ БҮТЭЭГДЭХҮҮН” - Могул брэндийн компьютер

2010.12. М-Си-Эс Группийн “ОНЫ ШИЛДЭГ БҮТЭЭЛ” - Могул брэнд

2011.01. Мэдээллийн технологийн үндэсний парк, Монголын залуу програмистуудын холбоо, Вэбстор компаниас Мэдээлэл, холбооны технологийн шилдгийг шалгаруулах “Like it awards” онлайн санал асуулгаар 2010 оны мэдээлэл, холбооны технологийн ”ШИЛДЭГ БРЭНД БҮТЭЭГДЭХҮҮН” - Могул брэнд