Байгаль орчин, аялал жуулчлалын яам, Жендэрийн тэгш байдлын Үндэсний хороо болон “Уур амьсгалын өөрчлөлт ба биологийн төрөл зүйл-байгалийн нөөцийн хамгаалалт, ашиглалт” хөтөлбөр хамтран “Жендэр ба байгаль орчин” долоо хоногийн 2011 оны 4 дүгээр сарын 25-ны өдрөөс 4 дүгээр сарын 30-ны өдрүүдэд зохион байгуулах гэж байна.

Энэхүү долоо хоногийн зорилго нь манай орны хувьд сүүлийн жилүүдэд ихээхэн хурцаар тавигдаад байгаа байгаль орчны асуудлууд, тодруулбал, байгаль экологийн тэнцвэргүй байдал алдагдаж, байгалийн нөөцөд үзүүлэх уур амьсгалын өөрчлөлт, эмзэг экосистем, усны нөөц, бэлчээрийн мал аж ахуй, усалгаагүй газар тариалан, цөлжилт зэрэг өөр хоорондоо уялдаа холбоо бүхий бидний өмнө тулгамдаж буй асуудлууд, хүүнчлэн хүн амд хэрхэн нөлөөж буй талаар хэлэлцэх юм. Учир нь эдгээр асуудлууд нь Монгол улсын хувьд эдийн засгийн төдийгүй нийгмийн асуудалд ихээхэн сөрөг нөлөөг үзүүлж байгаа билээ. Жишээ нь, агаарын бохирдолоос үүдэн уургийн гажилт, эх хүүхдийн эндэгдэл ихсэж , байгалийн гамшиг, ган зуданд эмэгтэйчүүд, хүүхдүүд ихээр өртөж байгаа зэрэг олон асуудлууд бидний эдийн засаг, нийгмийн амьдралд нөлөөлж байна.

Иймээс байгаль орчны бодлогыг жендэрийн мэдрэмжтэй болгох хэрэгцээ шаардлага зүй ёсоор урган гарч ирж байгаа юм. Байгаль орчин уур амьсгалын өөрчлөлтөөс үүдэн гарсан сөрөг асуудлууд нь дан ганц хүрээлэн буй орчны асуудал бус хүн амын эрүүл мэнд, нийгмийн төдийгүй, улс орны хөгжилд сөрөг нөлөө болж байна.

“Жендэр ба байгаль орчин” долоо хоногийн эхний арга хэмжээг болох семинарыг 2011 оны 4 дүгээр сарын 25-ны өдөр Ус цаг уур, орчны шинжилгээний газрын хурлын танхимд зохион байгуулах гэж байна. Энэхүү семинарт төрийн болон төрийн бус, иргэний нийгмийн байгууллагууд, олон улсын байгууллагууд оролцож байгаль орчин жендэрийн асуудлаар ярилцах юм.

Мөн түүнчлэн 2011 оны 4 дүгээр сарын 27-ны өдөр уулзалт хэлэлцүүлгийг зохион байгуулахаар төлөвлөөд байна.

Жендэр ба байгаль орчин долоо хоног
“Жендэр ба байгаль орчин” cеминарын хөтөлбөр

2011 оны 4 сарын 25, Даваа гараг

/УЦУОШХ-ийн 3-р давхрын хурлын заал/

14.00    Эхлэх   Шторк /Жендэрийн талаарх/
14.10    Нээлт: Б.Долгор, Монгол Улсын Ерөнхий сайдын ахлах зөвлөх, Жендэрийн тэгш байдлын Үндэсний хорооны дэд дарга
Ц.Банзрагч, Байгаль орчин, аялал жуулчлалын яамны Тогтвортой хөгжил, стратегийн төлөвлөлтийн газрын дарга
14.20    Танилцуулга: “Жендэрийн тэгш байдлыг хангах бодлого: Байгаль орчны менежментийн шинэ боломж”, Т.Амгалан, Жендэрийн тэгш байдлын Үндэсний хорооны гишүүн, Зохистой хөгжлийн жендэр төвийн тэргүүн
14.40     Танилцуулга: “Жендэр ба байгаль орчин”, Вольфганг Хэссэ, ГОУХАН-ийн мэргэжилтэн
15.00    Танилцуулга: “Байгаль орчны бодлого төлөвлөлт: Монгол дахь жендэрийн хэрэгцээ”, Б.Онон, Зохистой хөгжлийн жендэр төвийн хөтөлбөрийн захирал
15.20     Хэлэлцүүлэг
15.40    Цайны завсарлага
16.00    Ажлын хэсгээр ажиллах /Зорилго: жендэр ба байгаль орчны чиглэлээр ажилладаг байгууллагуудаас энэ асуудлаар шийдвэрлэх ямар асуудал байгааг тодорхойлуулах/
16.40    Ажлын хэсгийн дүнг танилцуулах
17.10    Хэлэлцүүлэг    
17.30    Хаалт

Б.Янжаа