Газрын тос болон үнэт металийн ханшийг хөөргөж буй Ливийн үймээнийг удирдагч Муаммар Каддафи эвээр шийднэ гэсэн цуу тарсантай зэрэгцэн алтны үнэ өсч байсан эрчээ алдаж, мөнгөний үнэ буурчээ.

Нью-Йоркийн худалдааны бирж дээр алт нэг унц нь 7.30 ам.доллараас 1.427.20 ам.долларт хүрч байгаа аж.

Өнөөг хүртэл нэг унц алтны үнэ дээд тал нь 1437.20 ам.доллар, хамгийн багадаа 1,423.60 ам.долларт хүрч байжээ. "Kitco's gold index''-ийн үзэж буйгаар алтны үнэ 2.90 ам.доллараар буурсан аж.

Ажиглагчид нэг унц алтны үнэ 1.400-1.500 ам.долларын хооронд хэлбэлзэнэ гэж таамаглаж байгаа юм.
Мөнгөний үнэ ч мөн тогтмол байсан 35.66 ам.долларын ханшнаасаа 21 центээр буурчээ. Он гарснаас хойш мөнгөний ханш 16.9 хувиар нэмэгдсэн нь ажиглагчдыг уг металь хэтэрхий хурдан хол яваад байна уу даа гэж гайхахад хүргэсэн юм.

Америк долларын үнэт метальтай харьцах индекс мөн нэмэгдэж, 76.77 ам.долларт хүрч.0.4 хувиар нэмэгдсэн байна.