Хараа голоос хүнцэл хэмээх бодис илэрсэн байна. Энэ талаар "Ногоон загалмай" нийгэмлэгийн тэргүүн Ш.Пүрэвсүрэн "Өнгөрсөн намар Өмнөговь аймгийн нутаг, мөн Сэлэнгэ аймгийн Баянгол суманд хүнцэл илэрсэн. Энэ талаар хэн ч, юу ч ярьдаггүй юм. Хонгорын хордлогыг мөнгөн уснаас үүдэлтэй гэдэг. Гэтэл Хонгороос хүнцэл илэрсэн.

Түүнчлэн хүн, амьтан хордсон байх магадлал бий. Үүнийг Германы судлаач хэлсэн. Хүнцэл нь мөнгөний хүдрийг дагаж их байрладаг. Жишээлбэл, Баян-Өлгий аймгийн "Асгат"-ын мөнгөний ордод их илэрсэн.

Энэ бодис нь газрын гүнд байдаг. Тэнд байх үедээ ямар нэгэн хоргүй. Харин агаарт гарч, урвалд орохоороо хүний биед болон байгальд хор учруулж эхэлдэг. Тухайлбал, дээрх сумдын малын үс зумарч унасан. Энэ нь дээрх бодистой холбоотой" гэж дүгнэж байгаа аж.

Түүнчлэн хэрэв одоо хүнцэлд хордож нас барсан тохиолдол манай улсад гарвал энэ бодист хордсон гэж тогтоох мэргэжлийн хүн манайд байдаггүй гэнэ. Энэ нь хамгийн аюултайг тэрбээр хэлж байлаа.

Д.Сүхбаатар