Үндэсний томоохон үйлдвэрлэгчийн нэг “Улаанбаатар Гурил” ХХК нь 2001 онд анх байгуулагдсан ба улмаар үйлдвэрээ өргөтгөн 2012 онд Дархан хотын үйлдвэрийн бүсэд Турк Улсын Alapala компанийн тоног төхөөрөмжөөс бүтсэн хоногт 300 тн улаан буудай тээрэмдэх хүчин чадалтай бүрэн автоматажсан, компьютер удирдлагын системтэй, босоо технологитой 5 давхар үйлдвэр байгуулсан билээ.

Бид анх байгуулагдсан цагаасаа хойш эх орныхоо эрдэнэт хөрсөнд ургасан улаан буудайг тээрэмдэн боловсруулж, эрүүл, аюулгүй, чанартай хүнсийг ард түмэндээ хүргэсээр байна. Манай компани нь өнөөдөр 200 гаруй ажилтантай Монгол Улсын гурилын зах зээлийн 35%-ийг хангаж байгаа үйлдвэрийн хүчин чадал, борлуулалтын цар хүрээ, брэндийн нэр хүндээрээ тэргүүлэгч байж, үндэсний хэмжээний томоохон үйлдвэрлэгч, баялаг бүтээгч болохын төлөө хамтын хүчээр тэмүүлэн ажиллаж байна. Бид ард түмнийхээ тэргүүн сонголт нь байж салбартаа манлайлахын зэрэгцээ чанарыг эрхэмлэн хамгийн тааламжит үнэ, өртөг бүхий бүтээгдэхүүнийг үйлдвэрлэн зах зээлд нийлүүлж ажилтнуудынхаа оюуны болон санхүүгийн хэрэгцээг хангаж, нийгмийн хөгжил дэвшилд бодитой хувь нэмэр оруулахаар зорьж байна.

Хийж бүтээх итгэл, сэтгэлээр жигүүрлэсэн ажилтнууд маань бидний үнэт зүйл билээ. Бид ажилтнуудаа эрүүл, аюулгүй ажлын орчин хийгээд мэргэжлийн ур чадвараа дээшлүүлэх бүрэн боломжтой ажлын байраар хангах бөгөөд, ажилтнууд маань бие болоод сэтгэлийн аз жаргалыг мэдэрдэг байхыг зорьж ажилладаг. Үүнийхээ хүрээнд бид Дархан Уул аймгийн 11-р багийн нутаг дэвсгэрт Баян Бридж барилгын компанитай хамтран 70 айлын орон сууцыг 2018 оны 12 сарын 10-нд ашиглалтанд оруулж байна. 

Энэхүү орон сууцанд гүйцэтгэл, ур чадвар сайтай, компанидаа олон жил тогтвор суурьшилтай, өндөр хувь нэмэрийг оруулан ажиллаж байгаа үйлдвэрийн 35 ажилтнуудыг хөнгөлттэй, таатай нөхцлөөр хамруулж байгаа юм. Бидний амжилтын түлхүүр, үнэт зүйл болсон нийт ажилтнууддаа амжилт бүтээл, эрүүл энхийг хүсье.