Монгол Улсад тохиолдсон зудын гамшгийн хор уршгийг арилгахад НҮБ-ын албан ёсны үнэлгээ хийх зорилготой хүмүүнлэгийн үйлсэд оролцож явсан багийнхан  2001 оны нэгдүгээр сарын 14-нд Увс аймгийн Малчин суманд МИ-8 нисдэг тэрэгний ослоор харамсалтайгаар амь үрэгдсэн билээ. Амь насаа алдсан иргэдийн нэрсийг дурьдвал:

-Шагдарын Отгонбилэг, Монгол Улсын иргэн, УИХ-ын гишүүн
-Батчулууны Баярмаа, Монгол Улсын иргэн, НҮБ-ын Хүн амын сангийн Хөтөлбөрийн ажилтан
-Цэвэгмидийн Батзориг, Монгол Улсын иргэн, Гамма агентлагийн гэрэл зурагчин
-Дашдаваагийн Отгон, Нисэх тэрэгний техникч
-Сабине Метцнер-Страк, Герман Улсын иргэн, НҮБ-ын Гамшгийн үнэлгээ зохицуулалтын газрын нэгжийн ахлагч(UNDAC) , Хүмүүнлэгийн үйл ажиллагааг зохицуулах газрын (OCHA)  
Ази Номхон далайн бүсийн гамшгийн хор уршгийг арилгах арга хэмжээг зохицуулах салбарын дарга
-Жерард Ле Клэйр, Их Британийн Нэгдсэн Вант Улсын иргэн, НҮБ-ын Гамшгийн үнэлгээ, зохицуулалтын газрын нэгжийн гишүүн (UNDAC), Жерси мужийн  Байгаль орчин, төлөвлөлтийн газрын Байгаль орчны үйлчилгээний хэлтсийн захирал  
-Матью Гирвин, АНУ-ын иргэн, НҮБ-ын Хүүхдийн сангийн Хөтөлбөрийн ажилтан
-Такахиро Като, Япон Улсын иргэн, NHK ТВ-ийн сэтгүүлч
-Минору Масаки, Япон Улсын иргэн, NHK ТВ-ийн зураглаач

Энэ хүмүүсийн  гэгээн дурсгалыг хүндэтгэх арга хэмжээг Гадаад харилцааны яам, Онцгой байдлын ерөнхий газар, Монгол дахь Нэгдсэн үндэстний байгууллага хамтран зохион байгуулж байна.

Дурсгалын арга хэмжээ маргааш буюу нэгдүгээр сарын 14-ний өдөр ГХЯ-нд болох ажээ. Энэ арга хэмжээнд Монгол Улсын Засгийн газар, ГХЯ, ОБЕГ, АНУ, Их Британи, Япон, Герман Улсын элчин сайдууд, Монгол дахь НҮБ-ын системийн байгууллагуудын суурин зохицуулагч, төлөөлөгчид, ажилтнууд болон гэр бүлийнхэн, анд нөхөд, хамт олон, хэвлэл мэдээллийнхэн, сэтгүүлчид оролцох гэнэ.

М.Жаргал