4 жилд ганцхан удаа болдог хөлбөмбөгийн ДАШТ ид торгон үе дээрээ үргэлжилж байна. Яг энэ үеэр ХААН Банк ДАШТ-ийн тоглолтыг биеэр үзэх боломжийг харилцагчдадаа олгож байгаа билээ.

Олон улсын ХААН ВИЗА картын эзэмшигч болон 2010.05.15-аас өмнө шинээр карт авсан харилцагчдаас 10 хүн ДАШТ-ын 2 тоглолтыг үзэж,  тоглолт эхлэхээс өмнө стадионоор аялах, тоглолтын үед тамирчдын бие халаалт болон завсарлагааныг үзэх зэрэг хөл бөмбөгийн тэмцээний талбайн арын амьдралыг нүдээр үзэж биеэр мэдрэх гайхалтай боломжтой болсон билээ.

ХААН Банк эдгээр аз нь алгандаа багтсан 10 харилцагчаа өнгөрсөн баасан гарагт хүлээн авч үзэх тоглолтуудын билет болон ӨАБНУ-ын визтэй паспорт, аяллын маршрут мөн Визагаас олгож буй гарын мөнгө болох 200 ам доллар зэргийг гардуулан өглөө.

ХААН Банк өнгөрсөн 5-р сарын 17-нд азтнуудаа шалгаруулсан бөгөөд шалгаруулалтыг орон даяар шууд дамжуулан үзүүлсэн юм. ХААН Банк харилцагчдын хувийн мэдээллийг нууцлах,   виз болон бусад бичиг баримтыг бүрэн гүйцэд бүрдүүлтэл азтануудын талаарх мэдээллийг олон нийтийн хэрэгслээр мэдээлээгүй юм. Харин өнөөдөр эдгээр 10 харилцагчдын бичиг баримт, урилга, билет зэрэг ХААН Банкны болоод аяллыг зохион байгуулагчдын зүгээс бүрдүүлэх бүх зүйлс бүрэн хангагдсаны дараа азтануудаа хүлээн авч дээрх зүйлсийг нь гардуулан өглөө.

Азтанаар шалгарсан харилцагчид ӨАБНУ-ын Кейп Таун хотод газардах бөгөөд тэндээ  Португаль-БНАСАУ-тоглолтыг үзэх бол  орон нутгийн нислэгээр нийслэл Йоханнесбург хотод очиж хэсгийн шийдвэрлэх чухал тоглолт болох Гана-Германы тоглолтыг үзэх юм байна.

Дашрамд дурьдахад ХААН Банк ДАШТ-ийг монгол улсад албан ёсоор шууд дамжуулан хүргэх ажиллагаанд албан ёсны ерөнхий ивээн тэтгэгчээр хамтран ажиллаж байна.