Шинэ оны эхний өдөр бүх нийтээр амарч, 2-нд ажилладаг байсан. Тэгвэл энэ жил нэгдүгээр сарын 2-ны өдөр баасан гаригт тохиож байгаа тул Засгийн газраас 2-ныг амралтын өдөр болгон зарласан.

Амралтын өдрүүдээр хотоос гарч гэр бүл, хайртай хүмүүстэйгээ цэвэр агаарт өнгөрүүлэхээр төлөвлөж байгаа бол хотоос холгүй байрлах зарим амралтын газруудын мэдээллийг хүргэж байна.

"Монголын нууц товчоо"

“Монголын нууц товчоо” амралт, аялал жуулчлалын цогцолбор нь 2005 оны 11 сараас үйл ажиллагаагаа эхлэн жилийн дөрвөн улиралд амрагч, аялагчдыг тав тухтай орчинд хүлээн авч, өөрийн үйлчлүүлэгчдэд өвөрмөц дүр төрх бүхий чанартай, цогц үйлчилгээг хүргэх зорилготой аж.

24 ор бүхий люкс, стандарт зэрэглэлийн өрөөтэй зочид буудал. 72 ор бүхий 13-р зууны үеийн цомцог гэр. 18 ор бүхий зуны байр. Нэг ээлжиндээ 120 хүнийг хүлээн авах хүчин чадалтай.

Үнэ: Дөрвөн хүний ортой гэр хоногийн 140 мянган төгрөг. Энэ үнэд өглөөний цай орсон.

Байршил: “Монголын нууц товчоо” амралт, аялал жуулчлалын цогцолборын газарзүйн байрлал нь Төв аймгийн Жаргалант сум, уртрагийн 1060, өргөргийн 480-д Улаанбаатар хотоос Дархан орох зам дагуу 114 км зайд байрладаг.

Холбоо барих утас: 70000450, 99906841

“Чингисийн хүрээ”

Тус амралтын газрын тохижилт нь XIII зууны үеийг санагдуулам “Чингисийн хүрээ” аялал жуулчлалын цогцолбор газар.

Чингисийн хүрээ ресторан нь 1991 оноос хойш үйл ажиллагаагаа явуулж байгаа Монголын анхны гэр ресторан гэдгээрээ онцлогтой.

Үнэ: Гэр буудлууд хоногийн 60-аас 100 мянган төгрөгийн хооронд.

Дөрвөн ортой гэр халдаг болон ердийн шалтай гэж хуваагддаг бөгөөд үнийн хувьд мөн адил 110, 100 мянган төгрөг гэсэн ялгаатай юм.

Хаяг: ХУД, 8-р хороо, Богдхан уулын Жаргалантын ам, Буянт-Ухаагаас зүүн урагш 5 км-ийн зайд байрладаг.

Холбоо барих утас: 311783, 95951727

"Хотула"

“Хотула” жуулчны бааз нь Улаанбаатар хотоос 50 км зайд Горхи Тэрэлжийн БЦГазар байрладаг. Тус жуулчны бааз нь Хамаг монголын хаан домогт Хотула баатрын нэрээр нэрлэгдсэн юм.

Өвөл, зуны аль ч улиралд нэг ээлжиндээ 60-80 зочин хүлээн авах хүчин чадалтай тохилог ресторантай.

Тав тухтай, сийлбэртэй монгол үндэстний гэр буудал. Дөрвөн хүний ортой хоногийн 100 мянган төгрөг.

Хаяг: Улаанбаатар хотоос 50км зайд Горхи Тэрэлжийн БЦГазар байрладаг.

Утас: 99118235

"Дүнжингарав"

Нээгдээд удаагүй байгаа Дүнжингарав амралтын газар цэвэр агаар, цэвэр орчинд байрладаг.

Тус амралтын газар 2-5 хүний ортой гэр буудалтай.

Үнэ: Таван ортой том гэр хоногийн 70 мянга. Гурав, дөрөв хүний ортой гэр хоногийн 50 мянган төгрөг.

Хаяг: Зайсан богины ам Соёмботой уулын баруун энгэрт.

Холбоо барих утас: 99179619

"Ойн дурсамж"

“Ойн дурсамж” амралтын газар боломжийн тохь тухтай, эргэн тойрон нь ч цэвэр цэмцгэр.

Гэр нь гурав, дөрвөн хүний ортой, хувцасны шүүгээ, гэрийн шаахай гээд хэрэглээний зарим зүйлсээр хангадаг. Хоногийн 60 мянган төгрөг.

Хаяг: ЧД, 19-р хороо, (Шадивлангийн зуслан), Улаанбаатар хотоос 10 км-ийн зайд байрладаг.

Утас: 91183170, 96667140