МҮХАҮТ-аас жил бүр тухайн оны шилдэг бизнес эрхлэгчдийгтодруулан шалгаруулдаг уламжлалтай. Энэ жилийн Онцлох 10 аж ахуйн нэгжийн нэгээр НОМИН КОНСТРАКШН & ДЕВЕЛОПМЕНТ ГРУПП шалгарлаа.

“НОМИН КОНСТРАКШН & ДЕВЕЛОПМЕНТ ГРУПП” нь барилгын салбарт шинэ дэвшилтэт техник технологи, шинэлэг менежментийг хэрэгжүүлдэг шилдэг компаниудын нэг бөгөөд өнгөрч буй он тус группын хувьд амжилт бүтээлээр дүүрэн жил болж өнгөрч байна.

Тус групп нь олон нийтэд хэдийнээ танил болсон Монголын №1 Ногоон хотхон “RIVER GARDEN” хотхон, “ЦЭЦЭЭ ГҮН” цогцолбор, “TIME SQUARE” хотхон, “ӨНӨР ХОТХОН” болон Орхон аймагт “ӨНӨР ЭРДЭНЭТ” хотхон зэрэг барилгын салбарт өөр өөрийн өвөрмөц өнгө төрхийг илэрхийлсэн жишиг болохуйц төслүүдийг хэрэгжүүлж байгаа билээ.

Тус групп нь Улаанбаатар хотод жишиг болохуйц Ногоон хотхон болох “RIVER GARDEN” хотхоныг бүрэн хэмжээгээр мөн түүнчлэн шинэ үеийн шилдэг төсөл болох TIME SQUARE хотхоны эхний ээлжийг ашиглалтад хүлээлгэн өгсөн бөгөөд импортын бүтээгдэхүүнийг орлох чиглэлд Герман технологи, тоног төхөөрөмжөөр иж бүрэн тоноглогдсон, жилдээ 700’000 метр ган карказан бэлдэц үйлдвэрлэх хүчин чадалтай Хөнгөн ган карказын үйлдвэр, Герман технологи, тоног төхөөрөмжөөр бүрэн тоноглогдсон, жилдээ 175’000 м2 хавтан үйлдвэрлэх хүчин чадалтай Тавилгын үйлдвэр болон төмөр бэлдцийн үйлдвэрийг байгуулан импортын бүтээгдэхүүнийг орлох, нэмүү өртөг шингэсэн дотоодын үйлдвэрлэлийг нэмэгдүүлэх чиглэлд томоохон дэвшил гарган ажиллаж байна.

Тус групп нь ногоон байгууламж, ногоон орчныг бий болгох чиглэлээр сүүлийн 4 жилийн хугацаанд өөрийн бүтээн байгуулж буй хотхон хорооллуудын орчны тохижилт болон Туул голын эрэг дагуу, Богд Хан уулын арын хэсэг, Дорноговь аймгийн Хамрын хийд, СХД-ийн 20-р хорооны нутаг дэвсгэр Баянголын ам зэрэг газруудад нийтдээ 40’000 ширхэг мод, бут тарьж ургуулан 50’000м2 талбайд зүлэгжүүлэх ажлыг хийж гүйцэтгэн Улаанбаатар хотын ногоон байгууламжийг нэмэгдүүлэх, агаарын бохирдлыг бууруулах үйлсэд өөрийн хувь нэмрээ оруулж байна.

“Хамгаалагдсан үндэс өндөр бүтээмжит” технологиор жилдээ 1’000’000 ширхэг мод тарих хүчин чадал бүхий мод үржүүлэх үйл ажиллагааг эхлүүлээд байна. Компанийн нийгмийн хариуцлагын хүрээнд 2014 онд өөрийн хөрөнгөөр 700.0 сая төгрөгийн өртөг бүхий 65 хүүхдийн “Дэлбээ” цэцэрлэгийг барьж, иж бүрэн тохижуулан улсад үнэ төлбөргүйгээр шилжүүлэн өглөө.

Түүнчлэн UBS телевизтэй “Ногоон ирээдүй” зорилтот шоу нэвтрүүлгийн ивээн тэтгэгчээр хамтран ажиллаж “Байгаль орчны боловсролыг дэмжие” уриатайгаар МУ-ын Ерөнхийлөгчийн ивээл дор ногоон ирээдүйг хэрхэн бий болгох, иргэдийг ногоон мод, ногоон байгууламжийг бий болгох санал сэдлийг дэмжих, ногоон мод, ногоон байгууламжийг бий болгож буй байгууллага, хамт олон, иргэдийг олон нийтэд сурталчлан таниулахад хувь нэмрээ оруулсан байна.

Мөн урлаг спортын залуу хойч үеийг бэлтгэх, Монголын орчин цагийн кино урлагийг сэргээх, үндэсний гэсэн тодотголтой монгол улсаа олон улсад таниулан сурталчилж яваа залуу уран бүтээлчдээ дэмжих чиглэлд хамтран ажиллаж иржээ. Жижиг дунд үйлдвэрлэлийг дэмжих хүрээнд нийтдээ 100 гаруй жижиг, дунд бизнес эрхлэгч, бэлтгэн нийлүүлэгчдийг дэмжин хамтран ажиллахын зэрэгцээ өөрийн болон гэрээт туслан гүйцэтгэгч компаниудын нийт 2275 хүнийг тогтмол ажлын байраар ханган ажиллаж байна.

Хөдөлмөр хамгааллын хүрээнд ХАБЭА-ын удирдлага зохион байгуулалтын оновчтой хуваарилалт, дэвшилтэт шинэ техник технологийг нэвтрүүлэн “НЭН ТҮРҮҮНД ХӨДӨЛМӨРИЙН АЮУЛГҮЙ БАЙДАЛ” УРИАН ДОР аюулгүй ажиллагааны сургалт сурталчилгааг тогтмол хэрэгжүүлэн ажиллаж байна.

"НОМИН КОНСТРАКШН & ДЕВЕЛОПМЕНТ ГРУПП"