Хамгийн сүүлд 2012 оны эхээр л шинэчилж байсан Apple TV-гээ компани энэ удаад дахин өөрчилж байна. Үнэнийг хэлэхэд энэ сарын эхээр зохиосон арга хэмжээний үеэр Apple бүтээгдэхүүнийхээ үнийг 69 ам. доллар болголоо гэж зарлан багахан хугацаа хожсон билээ.

Тэгвэл ирэх зургадугаар сард Apple-ийн зохиох “Дэлхийн Хөгжүүлэгчдийн Чуулга”-ын тухай мэдээлэл цацагдаж байна. Жишээ нь Apple TV шинэхэн A8 чиптэй болж, санах ой нь нэмэгдэхийн сацуу өнгө үзэмжээ өөрчлөх аж.

Үүгээр зогсохгүй Siri дэмжинэ гэжээ. Хэдийгээр нэг их сүржигнээд байх шинэчлэлт биш ч гэсэн Apple TV бусадтай өрсөлдөх чансаагаа сайжруулж байна. Дээрээс нь ABC, CBS, Fox зэрэг сувгуудтай гэрээ хийхээр ярилцаж байгаа гэх бөгөөд ингэснээр та төхөөрөмжийг суурилуулсан үед дээрх сувгуудыг үзэх юм.

Харин баттай мэдэгдэж байгаагаар HBO-ын шинэ үйлчилгээ Apple TV-д дагалдана. Харин эцэст нь хэлэхэд компани “Дэлхийн Хөгжүүлэгчдийн Чуулга” дээр уг төхөөрөмжид зориулсан App Store танилцуулах бөгөөд хөгжүүлэгч нарыг шинэ программ бичээсэй гэж хүсэж байгаа.

Эх сурвалж: