Бид өдөр тутмын хэрэглээ болсон гар утсаа шинээр худалдан авахдаа үнэхээр жинхэнэ /Original/ утас уу эсвэл хуурамч, дуураймал нь уу гэдгийг хамгийн түрүүнд боддог.

Хуурамч гар утас амархан эвдэрч, тохиргоо нь алдагддагаас гадна эдэлгээ богино байдаг тул мөнгө үрсэн наймаа болдог билээ.

Тиймээс худалдан авах гэж буй гар утас тань хуурамч эсвэл жинхэнэ эсэхийг хэрхэн мэдэж болох тухай зөвлөмжийг хүргэж байна.

1. ХААНААС АВАХ ВЭ?

Юун түрүүд хаанаас худалдан авах гэж байгаагаа эргэцүүлэх хэрэгтэй. Гар утас зарж байгаа газар чинь байгууллага уу эсвэл хувь хүн үү? Хувь хүмүүс аль нэг олон улсын брэндийн жинхэнэ бүтээгдэхүүнийг оруулж ирэх зөвшөөрөл авах нь ховор бөгөөд бусдаас худалдан авсан, гар дамжсан байх магадлалтай.

Харин байгууллага бол албан ёсны дилер компани мөн үү гэдгийг нь олж мэдээрэй. Албан ёсоор тус брэндийн бүтээгдэхүүнийг худалдаалах гэрээ хийгээгүй байгууллагын утаснууд гаднын аль нэг дэлгүүрээс авсан, мөн л гар дамжин орж ирдэг, задаргаа орсон байж болзошгүй. Жишээ нь Huawei брэндийн гар утсыг "Мобиком", "Юнител", "Солар Стар", "SmartStore" гэх албан ёсны дистрибютер оруулж ирдэг бол Xiaomi брэндийн олон улсын гар утсыг Xiaomi Mongolia албан ёсны дэлгүүрээс худалдан авах боломжтой.

2. ДОТООДЫН ЭСВЭЛ ОЛОН УЛСЫН ЗАГВАР

Ихэнх томоохон брэндүүд гар утсаа дотоодын болон олон улсын хэрэглэгчдэд зориулан хоёр өөр янзаар гаргадаг. Учир нь зарим улсад олон улсын аппликейшн, үйлчилгээнүүдийг хориглох тохиолдол бий. Тухайлбал Xiaomi брэндийг авч үзье.

Хятадад Google системийг ашиглах боломжгүй тул тус брэндийн утаснууд Android үйлдлийн системтэй ч Google Play Store, Google Maps, G-mail зэргийг ашиглах боломжгүй утсыг дотоодод худалдаалдаг. Мөн хүссэн аппликейшнаа суулгаж болохгүй бөгөөд GPS-ийн ажиллагаа нь өөр байдаг аж.

Бусад оронд шууд ашиглаж болохгүй сүлжээний түгжээтэй ба Хятад болон Англи гэсэн зөвхөн хоёр хэлний сонголттой нь дотоодод худалдаалдаг утасных нь онцлог. Харин олон улсад зориулсан бүтээгдэхүүнээ үйлдвэрлэж гаргахдаа олон улсын системтэйгээр, sim free үйлчилгээг давхар суулгаж, Google-ийн бүх үйлчилгээг авах боломжтойгоор тооцсон байдаг. Мөн баглаа боодол, өнгөний сонголт хүртэл өөрчлөгддөг аж.

3. ДОТООДЫН ЗАХ ЗЭЭЛД ЗОРИУЛСАН УТСЫГ ЗАРАХ НЬ ЭЛБЭГ

Зарим хувь хүн, компани өөр улсад худалдаалагдаж буй гар утсыг шууд бусаар оруулж ирэн худалдаалах нь цөөнгүй. Дээр дурдсанчлан олон улсын зах зээлд зориулаагүй Хятадын Xiaomi гар утсыг Монголд ашиглах болоход хэд хэдэн бэрхшээл тулгардаг. Тиймээс ч албан ёсны дилерийн утаснууд дандаа олон улсын зах зээлд зориулсан бүтээгдэхүүн байдаг.

Худалдаалагчид Хятадын зах зээлд зориулсан утсанд Google Service суулгаж Play Store татаж олон улсын утастай нь адилхан харуулахыг хичээдэг. Гэвч энэ нь түр хугацаанд аргацааж буй хэлбэр бөгөөд удалгүй системийн сайжруулалт хэрэгтэй болоход ажиллахаа больдог аж. Зөвхөн Хятадад зориулсан сүлжээний түгжээтэй тул аппликейшний мэдэгдлүүд утсанд шууд ирдэггүй байна. Мөн системийг нь солих арга байдаг ч энэ нь утасны удаан ажиллах баталгаа, цэнэгээ барих чадвар, вирусийн хамгаалалтыг үгүй хийдэг.

Хэрэглэгчид албан ёсны дилерээр худалдаалагдаж буй утсыг үнэтэй хэмээн шүүмжилдэг ч хувь хүн, байгууллагын зардаг хямд үнэтэй утаснууд задаргаа орсон, систем сольсон баталгаат хугацаа нь арилсан, найдваргүй, оруулж ирэхэд гааль болон НӨАТ төлдөггүй, хууль бусаар оруулж ирдэг байна.

Тус албан ёсны дистрибютер төв нь Монголд цор ганц Xiaomi Mongolia компани бөгөөд олон улсын загваруудыг стандартын дагуу 1 жилийн баталгаат хугацаа болоод нэмээд үнэгүй дэлгэцийн даатгалтай хамт давхар давхар давуу онцлогтой хэрэглэгчид хүргэдэг байна.

Xiaomi-гийн албан ёсны дэлгүүрүүдийн байршил:

• Shangri-la mall-н 3 давхарт
• Теди төвийн хойшоо харсан хаалга 1 давхарт
• И-Март худалдааны төвийн Чингис салбар
• И-Март худалдааны төвийн Хан-уул салбар
• И-Март худалдааны төвийн Хороолол салбар
• Banamall
• Shoppy
• Холбоо барих: 7777-7277 - Веб хуудас: www.xiaomi.mn
• Нүүр хуудас: Xiaomi Mongolia
• https://www.facebook.com/xiaomimongolia