Бизнес эрхлэгч та бүхэнд таатай мэдээ хүргэе. Тендерийн баримт бичиг бүрдүүлэлтэд шаардагддаг байгууллагын зээлийн мэдээллийн лавлагааг e-business.mn-ээр дамжуулан хялбархан авах боломжтой боллоо.

Сангийн сайдын 2023 оны 12 дугаар сарын 25-ны өдрийн А/259 дүгээр тушаалын 18.4-т “Монгол Улсын хуулийн этгээдийн банк, санхүүгийн байгууллагад тендер шалгаруулалт зарласнаас хойших өдрийн байдлаар хугацаа хэтэрсэн зээлийн өртэй эсэх талаар лавлагааг Зээлийн мэдээллийн тухай хуулийн 4.1.5-д заасан этгээдээс цахим системээр авч, тендерт ирүүлэх ба уг асуудлаар банк, санхүүгийн байгууллагаас лавлагаа ирүүлэхийг шаардахгүй.”  гэсэн заалт бий.

Иймд Sainscore Зээлийн Мэдээллийн Сан нь e-business платформтой хамтран бизнес эрхлэгчдэдээ  явдал чирэгдэлгүйгээр, хялбар аргаар, цахимаар зээлийн мэдээллийн лавлагааг авах боломжийг нээж байна.

Бизнес эрхлэгч хүн бүрт зориулсан e-business платформ нь хуулийн этгээд үүсгэн байгуулахаас эхлээд татан буулгах хүртэл бүх шатыг цахимжуулж, олон төрлийн зөвшөөрөл хүсэх, сунгах, бүх төрлийн байгууллагын лавлагааг нэг дороос авах боломжийг бүрдүүлсэн систем юм.

Хэрэглэгч та:

Байгууллагын банкны эрх;

Гүйцэтгэх захирлын ДАН систем;

Байгууллагынхаа тоон гарын үсэг зэргийн аль боломжтой хувилбарыг сонгон нэвтрэн орж хялбараар байгууллагын зээлийн лавлагаагаа цахимаар аваарай.

Дэлгэрэнгүй мэдээлэл 7509-0000

www.sainscore.mn

www.e-business.mn