ОХУ-ын Засгийн газар Ерөнхий сайд В.Путиний зуны сууцыг засварлах, гаднах тохижилтыг хийх ажлыг Япон улсын ландшафт урлагийн мэргэжилтнүүдэд даатгажээ. Одоогоор олон улсын таван компанийн хамтарсан баг Москвад очоод байгаа бөгөөд эдлэн газарт нь мод суулгаж, чулуу татах зэрэг анхан шатны ажлыг гүйцэтгэж эхэлсэн байна.

Дараагийн шатны, хиймэл байгаль бүтээх ур дүй шаардсан, нарийн чимхлүүр ажлыг энэ сарын дундуур эхлэх аж. Уг багийн бүрэлдэхүүнд "Монгол тохь" компанийн захирал Б.Цогтбаатар багтжээ. Японы ландшафт урлагийн мастер Кобояшид шавь орж таван жил ажиллаад ирсэн түүнийг багш нь хамт ажиллахыг урьсан байна.

Р.Оюун