Үндэсний их баяр наадмаар албан байгууллагууд, брэндүүд мэндчилгээгээ хүргэн наадмын үеэр сурталчилгаагаа цацдаг нь хэдий нь уламжлал болсон билээ. Хэдий тийм боловч жил жилийн наадмын мэндчилгээ, сурталчилгаанууд нэг нэгнээсээ ялгарах нь бага болсоор олон жил болжээ. Харин энэ жилийн баяр наадмын сурталчилгаануудаас онцгойрсон Юнител группийн бүтээлч ажлуудыг онцолж байна.

Уламжлал шинэчлэлийг хослуулсан 3D залуус

Юнител групп баяр наадмын кампанит ажлынхаа хүрээнд нүүр царай, үсний өнгө, засалт, хувцаслалт, гутал, чимэг зүүлт зэрэг нь залуусын анхаарлыг татахуйц Монгол үндэстэн ястны хувцсаар гоёсон 3D залуусыг бүтээсэн байна.  

Тэд хувцаслалтаараа үндэсний хувцас загварыг орчин үеийн загварын чиг хандлагатай хэрхэн хослуулж болох шийдлүүдийг харуулж, жинхэнэ утгаараа уламжлал шинэчлэлийг хослуулж чаджээ. 3D залуусын дэргэд “Уламжлалаа хадгалж хамтдаа наадъя” гэх уриа үгээ босоо Монгол бичгээр бичсэний дээр Монголын уламжлалт дүрслэх урлагийн дүрслэлүүдийг шигтгэж өгсөн нь 3D залуусын үндэсний хувцас, Монгол бичигтэй төгс зохицжээ.

“Ногоон байгаасай” уриалга

Наадмын халуун өдрүүдээр наадамчин олондоо зориулан сэвүүр, хүүхэд багачуудад зориулан хийлдэг бөмбөлөг бэлэглэж байсан нь төв цэнгэлдэх хүрээлэнд ногоон өнгөөр өнгө нэмж байв. Баяр наадмын өдрүүдээр анхаарал татсан өөр нэг содон зүйл нь “Ногоон байгаасай” уриатай хогоо ангилан ялгаж хаях боломжтой хогийн савуудыг байршуулсан нь анхаарал татав. Байгаль орчин, эх дэлхийгээ хайрлах уриалгыг баяр наадмын амралтаар аялалд явахаар төлөвлөсөн хүмүүст өгч байгаа мэт оновчтой шийдэл гаргасан нь олны талархлыг хүлээсэн нь дамжиггүй

"Хамтдаа Наадъя" сонирхолтой filter-үүд

Хамтдаа биелэх үү, Тантай хамт биелье зэрэг сонирхолтой filter-үүд нь уламжлал шинэчлэлийг хослуулсан оновчтой шийдэл болсон байна. Хамгийн гол нь залууст Монгол үндэсний өв соёлын нэгээхэн хэсэг болох биелгээний үндсэн хөдөлгөөнүүдийг ойлгомжтой байдлаар зааж өгсөн filter бүтээж дижитал дүртэй хамт бүжиглэн баяр наадмын мэндчилгээ хүргэх боломжийг бүрдүүлж өгсөн нь магтууштай. Мянга мянган залуус биелгээг хийж, туршиж үзэн, хөдөлгөөнийг нь цээжлэн гайхамшигт Монгол соёл, уламжлалаа хадгалан сайхан наадлаа.

“Бэсрэг наадам” дижитал тоглоом

Наадамчин олондоо барьсан бас нэгэн сюрприз нь өв уламжлалаа хадгалан орчин үеийн хэв маягтай нийцүүлэн наадах боломжтой “Бэсрэг наадам” дижитал тоглоом байв. Мэдээллийн технологийн шинэлэг шийдлийг ашигласан энэхүү тоглоомыг хэн ч хэзээ ч хаанаас ч тоглож болох нь гадаадад байгаа Монголчуудаа ч орхигдуулалгүй,  уламжлалаа хадгалан хамтдаа наадах нөхцөлийг бүрдүүлжээ.

3D залуусын мэндчилгээ

Юнителийн самбаруудыг гар утсаараа харахад ногоон бөмбөлөг гарч ирж, 3D залуус бүжиглэн баярын мэндчилгээ дэвшүүлэх нь уламжлалт сурталчилгаа болон дижитал сурталчилгааг хослуулсан өвөрмөц мэндчилгээ болсон нь олны сонирхлыг татсан биз ээ.

Залуус шинэ содон зүйлсэд дуртай. Юнител яг л үүнд нь зориулж мэдрэмжтэй, нэгэн хэв маягаас зайлсхийсэн уламжлал, шинэчлэлийг хослуулсан ажлууд хийсэн нь тэдний бусдаас онцгойрч, ялгарч, хамтдаа түрүүлж алхаж буйн илрэл мэт. Наадамчин олондоо сонирхолтой сайхан сурталчилгаагаараа мэнд хүргэсэн та бүхэндээ баярлалаа.