Таны бие хааяа учир нь олдохгүй өвддөг үү. Энэ нь хоол хүнс, зөөврийн компьютер мөн гутлаас тань болдог гэдгийг мэдэх үү. Мэргэжилтнүүд өвчин үүсгэдэг 12 шалтгааныг олжээ.

Салаатай шаахай:
Энэ нь хөлийн уланд тулгуурладаггүй учраас хэвийн байдлыг алдагдуулдаг гэнэ. Ялангуяа хурууны завсраар оруулж өмсдөг шаахай хөлийн өвдөг болон шагайнд өвчин үүсгэдэг.

Жолооны ард суух барил: Машин жолоодох үед суудал болон суух байрлал маш чухал. Буруу суулт нь хүзүү, нурууны таагүй байдалд нөлөөтэй. Жолоо болон хөдөлгүүрийн хоорондын зай зөв байх шаардлагатай. Мөн жолоо нь бугуй, гарт хэрэглэхэд хялбар байх нь зүйтэй.

Буйдан дээр хэвтэх: Зурагтаа асаагаад зөөлөн буйдан дээр хэвтэхэд хүн бүр л дуртай байдаг. Харин хэвтэхдээ анхаарах хэрэгтэй. Олон цагаар тэнийж хэвтэх нь хүзүүг өвтгөдөг.

Зөөврийн компьютер: Яг л гуравдагч хөл шиг таны байнга авч явдаг зөөврийн компьютерүүд гарын үзүүр болон ууц нуруунд өвчин үүсгэдэг.

Үсээ боох: Та үсээ байнга чанга боодог бол энэ нь толгойн өвчнийг үүсгэдэг гэнэ. Хааяа ч гэсэн сул тавьж толгойгоо амрааж байгаарай.

Хурц үнэртэй ус: Хамар цоргисон хурц үнэртэй ус нь будаг, тамхины утаатай адил толгой өвтгөх, дотор тавгүйтүүлэх магадлалтай. Иймээс хурц үнэрээс зайлсхий.

Унтах байрлал: Шөнийн турш гараа дэрэн дороо хийж нэг байрлалаар унтвал дал, нурууны мөчөөр өвддөг. Ер нь нэгэн хэвийн байрлалаар хэвтэхгүй байхыг зөвлөе.

Согтууруулах ундаа: Согтууруулах төрлийн ундаа хэрэглэсний маргааш толгой их өвддөг. Ялангуяа улаан дарс, виски, оргилуун дарсыг хэтрүүлэлгүй хэрэглээрэй.

Суудлын ажил: Хэрвээ та тасалгааны ажилтан бол суух байрлалдаа анхаар. Ихэнх хүн үүнийг мэддэг ч арга хэмжээ авдаггүй. Хамгийн багадаа ажилдаа завсарлага авч суух байрлалаа сольж бай.

Цаг агаарын өөрчлөлт: Цаг агаарын огцом өөрчлөлт нь толгой өвдөхөд нөлөөлдөг. Түүнчлэн бороотой болон үүлэрхэг өдөр үе мөч өвдөх хандлагатай. Харин хэт бүгчим халуун өдөр зүрх муутай хүмүүс эрүүл мэнддээ анхаарч хажуудаа эм тангаа авч явах хэрэгтэй. Ер нь цаг агаараас шалтгаалж хүний сэтгэл санаа тавгүйтэх, бухимдах зэрэг шинжүүд илэрдэг.

Амралтын өдрүүдийн хэт хөдөлгөөн: Хэрвээ таны ажлын өдрүүд хөдөлгөөн багатай өнгөрсөн бол амралтын өдөртөө хэт хөдөлгөөн хийсний хэрэггүй. Учир нь огцом хөдөлгөөнд хараахан дасаагүй байхдаа хөл, гараа гэмтээж болзошгүй.

Бэлгийн харьцаа: Бэлгийн харьцаа нь цусны эргэлтийг түргэсгэдэг учраас толгойн өвчнийг огцом үүсгэдэг гэнэ. Гэвч үүнийг хянах боломжтой.