Монгол Улсын иргэн Б.Н-ыг олон улсын эрэн сурвалжлах ажиллагааны хүрээнд Интерпол болон Аргентины цагдаагийн байгууллага саатуулсан тухай бичлэгийг Интерполын албан ёсны Twitter хуудсанд нийтэлжээ.

Түүнийг Арабын нэгдсэн Эмират улсаас Аргентинд нэвтрэх гэж байхад нь тус улсын Буэнос-Айресын нисэх онгоцны буудалд саатуулсан байна. Б.Н нь Монгол Улсад бага насны хүүхэд хүчирхийлсэн хэрэгт холбогдсон, улмаар орон зайлсан. Иймд  түүнийг Интерполын “улаан булант зар”-аар эрэн сурвалжилж байжээ.

“Улаан булант зар”-аар ноцтой гэмт хэрэгт сэжиглэгдэж байгаа хүмүүсийг эрэн сурвалжилж, бусад улс орнууд түүнийг илрүүлж, саатуулж, тухайн улсад нь шилжүүлэн өгдөг.